لوقا 20:20 - کتاب مقدس به زبان مازندرانی - گویش شرقی

²⁰ پَس عیسی ره زیر نَظِر بَییتِنه و جاسوسونی وه پَلی بَفرِسینه که شه ره صادق نِشون دانه. وِشون اینِ دِمبال دَیینه که شه عیسیِ گَبِ جِم یه چی پی دا هاکانِن و وه ره مَقامات و فرموندارِ دَس تحویل هادِن.

مازندرانی

²⁰ معلونِ دینی و فَریسیون عیسی ره زیر نظِر بَهیتتِنه و جاسوسانی وِنه پَلی بَرِسینه که شه رِه صادق نشون دانه. اونا دِنبالِ این دَیینه که از حرفهای عیسی بَهانه ای برای تسلیم وِ به والی پدا هاکانند.

گیله ماز

²⁰ پَس عیسی رِه پآنه بان و جاسوسان اونه وَرجه روانه هَکوردَن که خودِشان رهِ صادِق نِشان دَنِه بان. اوشان اینِه دُمّال دَبان که عیسی یِه گَبِ جی یِچّی پیداهَکونَن و اونه مَقامات و فرماندارِ دَس تَحویل هَدَن.

کتاب مقدس به زبان مازندرانی - گویش غربی

²⁰ پَس عیسی رِه زیر نَظر بَیتِنِه و جاسوسِنی وی وَر بَرِسانینِه گه شِرِه صادِق نِشون داوِنِه. وِشون هَینی دِمال دَوِنِه گه شِه عیسایی گَبی جا یَچی بَنگیرِن و وِرِه مَقامات و فرمونداری دَس تَحویل هادَن.

لوقا 20:20 Iomraidhean Croise

اِنجیلِ مَتّی 27:2

بَعد اِز اون عیسی ره دَس دَوِسه بَوِردِنه و رومِ فَرموندار پیلاتُسِ، تَحویل هِدانه.

مَرقُس 3:2

بعضیا عیسی ره زیر نَظِر داشتِنه تا هارِشِن مِقدَّسِ شنبهِ دِله اون مَردی ره شِفا دِنه یا نا، تا این طی وه تِهمَت بَزوئِنِ وِسه یِتا بهونه پی دا هاکانِن.

لوقا 11:54

و مَعطِل بینه عیسیِ تِکِ جِم یِتا گَب دَر بِیّه تا شه وه گَبِ هِمراه وه ره تَله دِله دِم هادِن.

لوقا 20:21

پَس جاسوسون وه جِم بَپِرسینه: «اِسّا، دومبی تِ حَییقَتِ گانی و تَعلیم دِنی، و هیچ کَسِ جِم هِوا خوائی نَکاندی، بلکه خِدائه راهِ دِرِسیِ هِمراه تَعلیم دِنی.

لوقا 20:26

این طی بییه که نَتونِسِنه مَردِمِ پَلی وه ره، شه وه گَبِ هِمراه تله دِم هادِن، وه جِوابِ جِم مات و مبهوت بَینه و دییه هیچی نااوتِنه.

پطرسی دِوّمین نامِه 2:3

و شه طِمَعِ راهِ دِله، دِراغی گَب هائه هِمراه، شِما ره غارِت کاندِنه. وِشونِ محکومیت که قبلتر تعیین بَییه بییه، بیکار نَنیشته و وِشونِ نابودی نَخواته!