لوقا 20:13 - کتاب مقدس به زبان مازندرانی - گویش شرقی

¹³ «صاحاب باغ بااوته: ”چی هاکانِم؟ شه عزیزِ ریکا ره فِرِسِندمبه؛ شایِد وه ره حِرمَت بییِلِّن.“

مازندرانی

¹³ «پس صاحب شه پَلی باغ بائوته: ‹چیکار هاکانِم؟ شه ریکا رِه که خَله دوست دارِمبه رسِندمبه شاید وِ رِه احترام هاکانند.›

گیله ماز

¹³ «صاب باغ باَگوته: ”چی هَکُنَم؟ می عَزیزِ ریکا رِه روانه کانَم، شاید اونه حُرمَت بَنِن.“

کتاب مقدس به زبان مازندرانی - گویش غربی

¹³ «صاب باغ بُتِه: ”چی هاکِنَم؟ شی عَزیزِ ریکارِه رَسامِّه، شاید وِرِه حِرمَت بِلِن.“

لوقا 20:13 Iomraidhean Croise

اِنجیلِ مَتّی 17:5

هَمتی پِطرسِ گَب تِموم نَییه بییه، یِتا پِر نورِ اَبر وِشونِ سَرِ ور سایه دِم هِدا و یِتا صِدا اَبرِ جِم بِشنُسه بَییه که گاته: «این مِ عَزیزِ ریکائه که وه جِم راضیمه، وهِ گَبِ گوش هاکانین.»

اِنجیلِ مَتّی 3:17

بعد یِتا صدا آسِمونِ جِم بِشنُسه بَییه كه گاته: «این مِ جانِ ریکائه كه وه جِم خِشالمِه.»

لوقا 18:2

عیسی بااوته: «یِتا شَهرِ دِله یِتا قاضی‌ دَییه که نا خِدائه جِم تَرسیه، نا مَردِمِ سَرِ چِش گِته.

لوقا 18:4

قاضی چَن وَختی وه ره اعتنا نَکارده. ولی سَرآخِر شه هِمراه بااوته: ”هر چَن خِدائه جِم نَتِرسِمبه و مَردِمِ سَر چِش نَیرِمبه،

لوقا 20:12

پَس سِوّمین کَشِ وِسه یِتا دییه نوکِرِ بَفرِسیه، ولی وه ره هم زَخمِ زیلی هاکاردِنه و بیرون دِم هِدانه.

لوقا 20:14

ولی باغبونون وَختی ریکا ره بَدینه، هَمدییه ره بااوتِنه: ”این وه وارثِ. بِئین وه ره بَکوشیم تا اِرث اَمه وِسه بَووه.“

لوقا 9:35

اون وَخت اَبر جِم یِتا صِدا در بییَمو که «این مِ ریکائه که وه ره انتخاب هاکاردِمه؛ وه گَبِ گوش هادین!»

اِنجیلِ یوحنا 1:34

و مِن بَدیمه و شِهادت دِمبه که خِدائه ریکا اینِ.»

رومی ایشون 8:3

چوون که شَریعَت اونچی ره، اینِ وِسه که آدِمیِ جسم ضعیفِ، نَتونِسه اِنجام هاده، خِدا اِنجام هِدا. وه شه ریکا ره یِتا گناهکارِ جِسمِ واری بَفرِسیه تا ’گِناهِ قِروونی‘ بوئِه، وَ این طی جِسمِ دِله، گِناه ره مَحکوم هاکارده.

غَلاطیان 4:4

ولی مووقه ای که اون تعیین بَییه وَخت کاملاً بَرسه، خِدا شه ریکا ره بَفرِسیه که یِتا زِنائه جِم بِزا بَییه و شَریعتِ بِن دِنیا بییَمو،