لوقا 20:11 - کتاب مقدس به زبان مازندرانی - گویش شرقی

¹¹ پَس یِتا دییه نوکِرِ بَفرِسیه، ولی وه ره هم بَزونه و وه هِمراه بی‌ حِرمتی هاکاردِنه و وه ره دَس خالی راهی هاکاردِنه.

مازندرانی

¹¹ پس اتا دیگه غلام رِه بَرِسندیه، اما وِ رِه هِم بَزونه و وِرِ بی حرمتی هاکاردنه، دست خالی بَر دگاردنینه.

گیله ماز

¹¹ پس ایتا دیگه پاکار روانه هَکوردِه، وَلی اون رِه هَم بَزَن و اونه هَمرَه بی حُرمَتی هَکُردَن و اونه دَسِ خالی روانِه هَکوردَن.

کتاب مقدس به زبان مازندرانی - گویش غربی

¹¹ پس یَت دییَر نوکَر بَرِسانیِه، ولی وِرِه هَم بَزونِه و وی هَمرا بی حِرمَتی هاکِردِنِه و وِرِه دَس خالی بَرِسانینِه.

لوقا 20:11 Iomraidhean Croise

مَرقُس 12:4

بعد صاحاب باغ یِتا دییه نوکِرِ وِشونِ پَلی بَفرِسیه، ولی باغبونون وه کَلّه ره بِشکِسِنه و وه ره بی‌ حِرمتی هاکاردِنه.

لوقا 20:10

انگور بَچیئِنِ مووقه، یِتا نوکِر، باغبونونِ پَلی بَفرِسیه تا شه مَحصولِ سَهمِ بَیره. ولی باغبونون وه ره بَزونه و دَس خالی وه ره بَردِگاردِنینه.

لوقا 20:12

پَس سِوّمین کَشِ وِسه یِتا دییه نوکِرِ بَفرِسیه، ولی وه ره هم زَخمِ زیلی هاکاردِنه و بیرون دِم هِدانه.

اعمال رَسولان 7:52

کِدوم یِتا از پِیغَمبرونِ که شِمه پییِرونِ دَسِ جِم آزار نَدیئه بوئه؟ وِشون پِیغَمبِرونی ره که اون صالحِ ظِهورِ پیشگویی هاکارده بینه ره بَکوشتِنه؛ و اَلان شِما شه وه ره تَسلیم هاکاردینی و وه ره بَکوشتینی،

اوّل تِسالونیکیان 2:2

بلکه هر چَن قبلاً فیلیپیِ شَهرِ دِله عِذاب بَکِشیمی و اِما ره بَدی هاکاردِنه، اون طی که خجالِت آوِر بییه، هَمون طی که دوندِنی، ولی اِما شه خِدائه کُمِکِ هِمراه جرأت هاکاردیمی تا خِدائه انجیلِ خَله مخالفتهائه میون شِما ره اِعلام هاکانیم.