لوقا 2:49 - کتاب مقدس به زبان مازندرانی - گویش شرقی

⁴⁹ ولی عیسی وِشونِ بااوته: «چه مِ دِمبال گِردِسِنی؟ مَگه نَدونِسِنی مِن وِنه شه پییِرِ سِرهِ دِله دَووِم؟»

مازندرانی

⁴⁹ اما وِه در جِواب بائوته: «چه ایسّه مه دِنبال گَردِستِنی؟ مگه نَدونِسِّنی که مِن وِنه شه پی‌یِرِ سِره دَووشِم؟»

گیله ماز

⁴⁹ وَلی عیسی اوشانه باگوته: «چرا می دُمّال بَگَرسّین؟ مَگِه نِدانِسّین مَن بایِسّی می پیَره سِرِه یِه دِلِه دَبوُم؟»

کتاب مقدس به زبان مازندرانی - گویش غربی

⁴⁹ ولی عیسی وِشونِه بُتِه: «چه می دِمال گِرِسِنی؟ مَگِه نَئونِسِنی مِن وِنِه شی پیری خِنِه ای دِلِه دَووم؟»

لوقا 2:49 Iomraidhean Croise

اِنجیلِ مَتّی 21:12

عیسی مَعبِدِ حیاطِ دِله بُورده و همه اونایی که داد و سِتَد کاردِنه ره بیرون هاکارده. وه صَرافونِ میز و کوتِر روشِنِ صَندَلی ره له هِدا.

لوقا 2:48

وَختی وه پییِر مار وه ره اونجه بَدینه، خَله تَعجِّب هاکاردِنه. وه مار وه ره بااوته: «مِ ریکا، چه اَمه هِمراه این طی هاکاردی؟ مِن و تِ پییِر خَله تِ دلواپس بَیمی و همه جا ره تِ دِمبال بَگِردِسیمی.»

اِنجیلِ یوحنا 4:34

عیسی وِشونِ بااوته: «مِ غِذا اینِ که شه بَفرِسیهِ اِراده ره به‌جا بیارِم و وه کارِ اِنجام هادِم.

اِنجیلِ یوحنا 5:17

ولی عیسی وِشونِ جِواب هِدا «مِ پییِر هَمتی دَره کار کانده، مِن هم کار کامبه.»

اِنجیلِ یوحنا 5:36

ولی مِن شِهادتی یحییِ شِهادتِ جِم گَت تِر دارمه، چوون کارایی که پییِر مِ ره بِسپارِسه تا اِنجام هادِم، یعنی همین کارایی که کامبه، مِ خَوِری شِهادت دِنه که پییِر مِ ره بَفرِسیه.

اِنجیلِ یوحنا 6:38

چوون آسِمونِ جِم جِر نییَمومه تا شه خواسه ره اِنجام هادِم، بلکه بییَمومه تا شه بَفرِسیهِ خواسه ره اِنجام بَرِسونِم.

اِنجیلِ یوحنا 8:29

و وه که مِ ره بَفرِسیه، مِ هِمراه دَره. وه مِ ره تینا نییِشته، چوون مِن هَمِش اونچی که وه ره خِشال کانده ره به جا یارمه.»

اِنجیلِ یوحنا 9:4

تا روزِ وِنه بَفرِسیهِ کارا ره اِنجام هادیم؛ دَره شو بونه، که اونِ دِله کِسی نَتونده کار هاکانه.