لوقا 2:48 - کتاب مقدس به زبان مازندرانی - گویش شرقی

⁴⁸ وَختی وه پییِر مار وه ره اونجه بَدینه، خَله تَعجِّب هاکاردِنه. وه مار وه ره بااوته: «مِ ریکا، چه اَمه هِمراه این طی هاکاردی؟ مِن و تِ پییِر خَله تِ دلواپس بَیمی و همه جا ره تِ دِمبال بَگِردِسیمی.»

مازندرانی

⁴⁸ وقتی وِنه پی‌یِر و مار وِره اونجه بَدینه، تعجب هاکاردنه. وِنه مار وِره بائوته: «ته چه اینتی هاکاردی اَمِجه، ریکا؟ مِن و ته پی‌یِر با نگرانی ته دِنبال گَردِستیمی.»

گیله ماز

⁴⁸ وَختی اونه پیَر و مآر اونه اوجِه بَدییَن بُهت هَکُردَن. اونه مآر اونه باگوته: «می ریکا، چِرا اَمیِ هَمرَه اینجور هَکُردی؟ من و تی پیَر خِیلی دِلواپَسی یه هَمرَه همه جا رِه تی دُمّال بَگَرسِّیم.»

کتاب مقدس به زبان مازندرانی - گویش غربی

⁴⁸ وختی وی پیر و مار وِرِه اوجِه بَئینِه خِیلی تَجِّب هاکِردِنِه. وی مار وِرِه بُتِه: «می ریکا، چه اَمِه هَمرا اَتی هاکِردی؟ مِن و تی پیر خِیلی تی دِلواپَس وِمی و هَمه جا رِه تی دِمال بَگِرِسِمی.»

لوقا 2:48 Iomraidhean Croise

اِنجیلِ مَتّی 12:46

هَمون مووقه که عیسی مَردِمِ هِمراه دَییه گَب زوئه، وه مار و وه بِرارون بییَمونه و بیرون اِیست هاکارده بینه، خواسِنه وه هِمراه گَب بَزِنِن.

لوقا 2:49

ولی عیسی وِشونِ بااوته: «چه مِ دِمبال گِردِسِنی؟ مَگه نَدونِسِنی مِن وِنه شه پییِرِ سِرهِ دِله دَووِم؟»

لوقا 3:23

عیسی شه خِدمتِ وَختی شِروع هاکارده که حدود سی سال داشته. وه مَردِمِ گِمون یوسِفِ ریکا بییه، و یوسِف، هِلیِ ریکا،

لوقا 4:22

همه اونایی که اونجه دَینه وه جِم تَعریف کاردِنه و فیض‌ بَخشِ کِلامِ جِم، که وه دِهونِ جِم بیرون اییَمو بِهت کاردِنه. وِشون گاتِنه: «مَگه این یوسِفِ ریکا نییه؟»

اِنجیلِ یوحنا 1:45

فیلیپُس، نَتَنائیلِ پی دا هاکارده و وه ره بااوته: «اونی که موسی، تُورات دِله و پیغمبِرونَم وه خَوِری بَنوشتِنه ره پی دا هاکاردیمی! وه عیسی، یوسِفِ ریکا، ناصرهِ شَهرِ جِم هَسه!»