لوقا 2:46 - کتاب مقدس به زبان مازندرانی - گویش شرقی

⁴⁶ سه روز دییه وه ره مَعبِدِ دِله پی دا هاکاردِنه. عیسی مَلِّمونِ میون نیشته بییه و وِشونِ گَبِ گوش دائه و وِشونِ جِم سِئال کارده.

مازندرانی

⁴⁶ بعد از سه روز، آخِرِ سَر وِره معبِد دِله پِدا هاکاردِنه. وِه میون معلم‌ها هِنیشتِه بی‌یِه و به حرفهای ویشون گوش کارده و ویشون‌جه سوالهایی کارده.

گیله ماز

⁴⁶ بَعدِ سه روز، اونه مَعبَدِ دِلِه پیداهَکُردَن. عیسی مُعَلِّمینِ میَن نیشته با و اوشانه گَبِ گوش دَنهِ با و اوشانه جی سوال کانِبا.

کتاب مقدس به زبان مازندرانی - گویش غربی

⁴⁶ سه روز دییَر، وِرِه مَعبَدی دِلِه بَنگیتِنِه. عیسی مَلِّمِنی میِن نیشت وِه و وِشونی گَبِ گوش داوِه و وِشونی جا سوال کِردِه.

لوقا 2:46 Iomraidhean Croise

اِنجیلِ مَتّی 12:40

هَمون طی كه یونس سه شو و سه روز یِتا گَتِ ماهیِ اِشکِمِ دِله بَمونِسه بییه، اِنسانِ ریکا هَم، سه شو و سه روز زِمینِ دلِ دِله موندِنه.

اِنجیلِ مَتّی 16:21

اَزون بعد، عیسی شه شاگِردونِ گاته که وه اورشَلیم شونه، اونجه مَشایخ و مَعبِدِ گَت گَتِ کاهِنون و توراتِ مَلِّمون وه ره آزار دِنِنه و کُشِنِنه، ولی گاته که سِومین روز زِنده بونه

لوقا 2:47

هر کی وه گَبِ اِشنُسه، وه فَهمِ جِم و جِوابایی که دائه، بِهت کارده.

لوقا 5:17

یِتا از اون روزا که عیسی دَییه تَعلیم دائه عُلمائه فرقهِ فریسی و توراتِ مَلِّمون که اورشَلیم و تِمومِ جَلیلِ شهرا و یَهودیهِ جِم بییَمو بینه، اونجه نیشته بینه، عیسی، خِداوندِ قِوَّتِ هِمراه مَریضونِ شِفا دائه.

اِنجیلِ یوحنا 3:10

عیسی جِواب هِدا: «تِ اِسرائیلِ قومِ مَلّمی و هَمتی این چیا ره نِفَهمِنی؟

اعمال رَسولان 5:34

ولی عُلِمائه فِرقه فَریسیِ جِم، یه نَفِر که وه اسم گامالائیل و شَریعتِ مَلّم بییه و همه وه ره احترامِ اییِشتِنه، مجلسِ دِله بِلِند بَییه و دَستور هِدا چَن لَحظه رَسولونِ بیرون بَوِرِن.

اول تیموتائوس 1:7

و خوانِنه شَریعتِ مَلّمین بَووِن، بی اینکه بَدونِن چی گانِنه یا چیِ جِم این طی مِطمئن گَب زَندِنه.