لوقا 2:39 - کتاب مقدس به زبان مازندرانی - گویش شرقی

³⁹ وَختی یوسِف و مریِم تِمومِ اون چیایی ره که خِداوندِ شَریعَت دِله بییَمو بییه ره به‌جا بیاردِنه، شه شَهر ناصره که جَلیلِ مَنطقه بییه، بَردَگِردِسِنه.

مازندرانی

³⁹ وقتی یوسِف و مریم رسمِ شریعت خداوند ره تموماً انجام هادانه، بردِگَردِستِنه شه شهر ناصره واقع در جلیل.

گیله ماز

³⁹ وَختی یوسِف و مریم همه اون چیزایی که خُداوندِ شَریعَتِ دِلِه بوما با رِه بِجا بیاردِن، به خودِشانِه شهر ناصِره که جَلیل مَنطَقِه یه میَن با وَگَرِسَّن.

کتاب مقدس به زبان مازندرانی - گویش غربی

³⁹ وختی یوسِف و مریم دِشتِه هون چیایی گه خِداوندی شَریعَتی دِلِه بیمو وِه رِه بِجا بیاردِنِه، شی شهر ناصرِه ای سِه گه جلیلی مَنطَقِه ای دِلِه وِه دَگِرِسِنِه.

لوقا 2:39 Iomraidhean Croise

اِنجیلِ مَتّی 3:15

ولی عیسی وه جِواب بااوته: «بییِل اَلان این طی بَووه، چوون اَمه وِسه این طی دِرِسِ که تِمومِ شَریعتِ حِکم، اِنجام بَرِسه» پَس یحیی قبول هاکارده.

لوقا 1:26

شیشمین ماه دِله، خِدا شه فرشته، جبرائیلِ یِتا شَهر که وه اسم ناصره و جلیل مَنطقه دِله بییه بَفرِسیه،

لوقا 1:6

هر دِتا خِدائه نَظِر دِله صالح بینه و تِمومِ خِداوندِ اَحکام و دستوراتِ بی‌عیب به جا یاردِنه.

لوقا 2:4

یوسِف هم چوون داوودِ پادشاهِ ایل و تِوارِ جِم بییه ناصرهِ شَهرِ جِم که جَلیلِ مَنطقه دِله دَییه به بِیت‌لِحِمِ شَهر یعنی داوود زادگاه که یَهودیهِ مَنطقه دِله بییه بُورده.

لوقا 2:51

پَس وِشونِ هِمراه ناصره بَردَگِردِسه و وِشونِ مطیع بَییه. ولی وه مار تِمومِ این اتّفاقا ره شه ‌خاطر داشته.

لوقا 4:16

وَختی عیسی ناصره، اون شهری که وه دِله گَت بَییه بییه بَرِسیه، طبقِ شه عادِت مِقدَّسِ شنبه روز، عِبادَتگاهِ دِله بُورده و بِلِند بَییه تا خِدائه کِلامِ بَخونه.

لوقا 4:23

عیسی وِشونِ بااوته: «بی شَک این مَثِلِ مِ وِسه یارنِنی، ”اِی طَبیب شه ره شِفا هاده! اونچی که بِشنُسیمی کَفَرناحومِ دِله هاکاردی، اینجه شه زادگاهِ دِله هم هاکان»