لوقا 2:38 - کتاب مقدس به زبان مازندرانی - گویش شرقی

³⁸ وه هَمون مووقه جلو بییَمو و خِدا ره شکر هاکارده، و تِموم اونائه هِمراه که اورشَلیمِ آزادیِ چِش به راه بینه، عیسیِ خَوِری گَب بَزو.

مازندرانی

³⁸ وِه هِم در همون موقع جلو بی‌یَمو و خدا ره شکر هاکارده. و با همه‌ی اونایی که منتظرِ رِهایی اورشلیم بینه، درباره‌ی عیسی صحبِت کارده.

گیله ماز

³⁸ اون همون موقه جلو بوما، خُدا رِه شُکر هَکُردِه و تمام اوشانه هَمرَه که اورشلیم آزادی یه چِشم بِراه بان عیسی یه باره گَب بَزَه.

کتاب مقدس به زبان مازندرانی - گویش غربی

³⁸ وی هَمون موقِه پِش بیمو، خِدارِه شِکر هاکِردِه و دِشتِه اونانی هَمرا گه اورشلیمی آزادی ای چِش بِرا وِنِه عیسایی خَوَری گَب بَزو.

لوقا 2:38 Iomraidhean Croise

مَرقُس 15:43

یه نَفِر به اسمِ یوسِف که اَهل رامه بییه جِرأت هاکارده و پیلاتُسِ پَلی بُورده و عیسیِ جنازه ره بَخواسه. یوسِف جِزوِ یَهودِ شورا بییه و وه ره اِحترام اییِشتِنه، و خِدائه پادشاهیِ اِنتِظارِ کَشیه

لوقا 1:68

«مِوارک بوئه خِداوند، اِسرائیلِ خِدا، چوون شه قومِ کُمِک بییَمو و وِشونِ آزاد هاکارده.

لوقا 2:25

اون وختا، اورشَلیمِ دِله یِتا مَردی که وه اسم شَمعون بییه زندگی کارده که صالح و خِدا تَرس بییه و اِنتظار کَشیه تا مَسیحِ موعود ظِهور هاکانه، شَمعون روح القدسِ داشته.

لوقا 2:36

اونجه یِتا زِنا که وه اسم حَنّا بییه زندگی کارده، حنّا فَنوئیلِ کیجا اَشیرِ طایفهِ جِم بییه و خِدائه طَرِفِ جِم نَبوّت کارده، وه پیرِزِنا بییه. حَنّا از شه اَذِبیه مووقه، شه مَردیِ هِمراه هَفت سال زِندِگی هاکارده بییه

لوقا 23:51

ولی شورائه رأی و تَصمیمِ هِمراه موافق نَییه و خِدائه پادشاهیِ اِنتِظارِ کَشییه.

لوقا 24:21

ولی اِما امید داشتیمی وه هَمونی بوئه که وِنه اِسرائیلِ نِجات هاده. از این گذشته، در حییقَت اَلان سه روزِ این جَریانِ جِم گُذِرنه.

دوّمین نامه قرنتیانِ وَسین 9:15

خِداوندِ اون هدیهِ خاطِری که قابلِ بااوتِن نییه شکر کامبه!

اِفِسُسیان 1:3

مِوارک بوئه خِدا و اَمه خِداوند عیسی مَسیحِ پییِر، که اِما ره مَسیحِ دِله، هر روحانی بَرکَتِ هِمراه آسِمونی جاهائه دِله بَرکَت هِدا.