لوقا 2:27 - کتاب مقدس به زبان مازندرانی - گویش شرقی

²⁷ پَس شَمعون، روح القدسِ هِدایتِ هِمراه یَهودیونِ مَعبِدِ دِله بُورده، وَختی که عیسیِ پییِر مار چِلیکِ وَچه ره بیاردِنه تا اونچی که طِبق شَریعتِ رَسم بییه ره اِنجام هادِن،

مازندرانی

²⁷ پس شَمعون به هدایت روح خدا بورده معبد حیاط دِله، و وقتی عیسی مار و پی‌یِر عیسی ره بیاردِنه تا رسم شریعت ره وِنِسّه انجام هادِن

گیله ماز

²⁷ پس شمعون روح القُدُسِ هِدایتِ هَمرَه یَهودیِانِ مَعبَدِ دِلِه بَشَه. وَختی که عیسیِ یه پیَر و مآر وَچِه رِه بیاردِن تا اونچه كه طِبقِ شَریعَت رَسم با رِه اَنجام هَدَن،

کتاب مقدس به زبان مازندرانی - گویش غربی

²⁷ پس شَمعون روح القُدُسی هِدایتی هَمرا یَهودیِنی مَعبَدی دِلِه بوردِه. وختی گه عیسایی پیر و مار وَچِه رِه بیاردِنِه تا اونچی گه طِبقِ شَریعَتی رَسم وِه رِه اَنجام هادَن،

لوقا 2:27 Iomraidhean Croise

اِنجیلِ مَتّی 4:1

بعد روح القُدُس، عیسی ره صَحرائه دِله بَوِردِه تا اِبلیس وه ره وَسوَسه هاکانه

لوقا 2:22

بعد از اون که یوسِف و مریِم تطهیرِ رَسمِ طِبق موسیِ شَریعَت به جا بیاردِنه، عیسی ره اورشَلیم بَوِردِنه تا خِداوندِ پیشکَش هاکانِن،

لوقا 2:28

شَمعون، وچه ره شه کَشه دِله بَییته و خِدا ره شکر هاکارده و بااوته:

لوقا 2:41

عیسیِ پیر مار هر سال پِسَخِ عیدِ وِسه اورشَلیم شینه.

لوقا 2:48

وَختی وه پییِر مار وه ره اونجه بَدینه، خَله تَعجِّب هاکاردِنه. وه مار وه ره بااوته: «مِ ریکا، چه اَمه هِمراه این طی هاکاردی؟ مِن و تِ پییِر خَله تِ دلواپس بَیمی و همه جا ره تِ دِمبال بَگِردِسیمی.»

لوقا 2:51

پَس وِشونِ هِمراه ناصره بَردَگِردِسه و وِشونِ مطیع بَییه. ولی وه مار تِمومِ این اتّفاقا ره شه ‌خاطر داشته.

لوقا 4:1

عیسی روح‌القُدسِ جِم پِر، اُردُنِ رودخانهِ جِم بَردَگِردِسه و خِدائه روح، وه ره صَحرائه دِله بَوِرده.

اعمال رَسولان 10:19

هَمون طی که پِطرُس دَییه رویائه خَوِری فکر کارده خِدائه روح وه ره بااوته: «هارِش، سه نَفِر تِ دِمبال گِردِنِنه.

اعمال رَسولان 11:12

خِدائه روح مِ ره بااوته وِشون هِمراه بورِم و فرق نییِلِّم. این شیش تا بِرار هَم مِ هِمراه بییَمونه، و اِما اون مَردیِ سِره بُوردیمی.

اعمال رَسولان 16:7

وَختی میسیهِ مَنطقهِ دِله بَرِسینه، تَقِّلا هاکاردِنه بیطینیه بورِن، ولی عیسیِ روح وِشونِ اِجازه نِدا.

اعمال رَسولان 8:29

اون وَخت خِدائه روح فیلیپُسِ بااوته: «نَزیک بور و اون ارابه ره بَرِس.»

غَلاطیان 4:4

ولی مووقه ای که اون تعیین بَییه وَخت کاملاً بَرسه، خِدا شه ریکا ره بَفرِسیه که یِتا زِنائه جِم بِزا بَییه و شَریعتِ بِن دِنیا بییَمو،

یوحنایِ مکاشفه 1:10

خِداوندِ روزِ دِله، خِدائه روحِ جِم پِر بَیمه و یِتا بِلِندِ صِدا، شیپورِ صِدائه واری شه دِمبالِ سَر بِشنُسِمه

یوحنایِ مکاشفه 17:3

اون فرشته خِدائه روحِ دِله مِ ره صحرا بَوِرده. اونجه یِتا زِنا ره بَدیمه که یِتا سِرخِ وحشی جانورِ سَر سِوار بییه، اون جانورِ تَن، کفرآمیزِ اِسم هائه هِمراه دَپوشی بییه، و هفتا کلّه و ده تا شاخ داشته.