لوقا 2:16 - کتاب مقدس به زبان مازندرانی - گویش شرقی

¹⁶ پَس عجلهِ هِمراه بُوردِنه و مریِم و یوسِف و چِلیک وَچه ره آخورِ دِله بَخواته، پی دا هاکاردِنه.

مازندرانی

¹⁶ پس با عَجِله بوردِنه و مریم و یوسِف و اون وَچه ره که آخور دِله بَخاته بی‌یِه ره بَدینه.

گیله ماز

¹⁶ پس بِتیش بَشَن و مریم و یوسِف و تَرِه وَچِه رِه پالوکا یه دِلِه بَخُتِه پیداهَکُردَن.

کتاب مقدس به زبان مازندرانی - گویش غربی

¹⁶ پس بِتُش بوردِنِه و مریم و یوسِف و زِلاغ وَچِه رِه آخِری دِلِه بَفِت بَنگیتِنِه.

لوقا 2:16 Iomraidhean Croise

لوقا 1:39

هَمون روزا، مَریِم بِلِند بَییه و عجلهِ هِمراه یِتا شَهر، یَهودیهِ کوهِ دِله بُورده،

لوقا 19:32

اون دِ نَفِر بُوردِنه و همه چی ره هَمون طی که عیسی وِشونِ بااوته بییه، پی دا هاکاردِنه.

لوقا 2:12

نِشونه، شِمه وسه اینِ که یِتا چِلیکِ وَچه ره قِنداقی دِله دَپیته و آخوری دِله بخواته پی دا کاندینی.»

لوقا 2:15

وَختی فرشته ها وِشونِ چِشِ وَر آسِمون بُوردِنه، چَپونون هَمدییه ره بااوتِنه: «بِئین بِیت‌لِحِم بُوریم و اونچی ره که اتّفاق دَکِته و خِداوندْ اِما ره اونِ جِم خَوِر دار هاکارده ره بَوینیم.»

لوقا 2:17

وَختی چِلیک وَچه ره بَدینه، گَبی که وه خَوِری وِشونِ بااوته بینه ره، پخش هاکاردِنه.

لوقا 2:7

مریم شه اَوِّلین وَچه که ریکا بییه ره دِنیا بیارده. وه ره قِنداقِ دِله دَپیته و آخورِ دِله بَخواسِندیه، چوون مسافِرخانهِ دِله وِشونِ وِسه جا دَنی بییه.

لوقا 22:13

وِشون بُوردِنه و همه چی ره هَمون طی که عیسی بااوته بییه پی دا هاکاردِنه، و پِسَخِ عیدِ شومِ تهیّه بَدینه.