لوقا 19:6 - کتاب مقدس به زبان مازندرانی - گویش شرقی

⁶ زََکّا دَرجا جِر بییَمو و خِشالیِ هِمراه وه ره قَبول هاکارده.

مازندرانی

⁶ زکای سریع پایین بییَمو و با خِشحالی وِ رِه قبول هاکارده.

گیله ماز

⁶ زَکّا دَرجا جیر بوما و خُشحالی یه هَمرَه اونه قَبول هَکُردِه.

کتاب مقدس به زبان مازندرانی - گویش غربی

⁶ زَکّا دَرجا جِر بیمو و خِشالی ای هَمرا وِرِه قَبول هاکِردِه.

لوقا 19:6 Iomraidhean Croise

لوقا 19:5

وَختی عیسی اونجه بَرِسیه، دارِ سَرِ هارِشیه و وه ره بااوته: «زََکّا، زود جِر بِرو که وِنه اَمروز تِ سِره بِیِّم.»

لوقا 19:7

وَختی مَردِم اینِ بَدینه، همه غُرغُر هِمراه گاتِنه: «یِتا گِناهکارِ سِره مِهمونی بُورده.»

لوقا 2:16

پَس عجلهِ هِمراه بُوردِنه و مریِم و یوسِف و چِلیک وَچه ره آخورِ دِله بَخواته، پی دا هاکاردِنه.

لوقا 5:29

لاوی عیسی وِسه شه سِره دِله یِتا گَتِ دَعوِتی هِدا، یَته خله خراجگیرون و کِسائه دییه، وِشونِ هِمراه سِفره سَر هِنیشتِنه.

اعمال رَسولان 16:15

وَختی لیدیه شه خانِواده هِمراه غسلِ تَعمید بَییته، خَله اِصرار هاکارده و اِما ره بااوته: «اگه باوِر دارنِنی که خِداوندِ ایمون بیاردِمه، بِئین و مِ سِره دِله بَمونین.» سَرآخِر وه خواسهِ تَسلیم بَیمی.

اعمال رَسولان 16:34

وه وِشونِ شه سِره بَوِرده و وِشونِ وِسه سِفره پهن هاکارده. وه و تِمومِ وه خانِواده اینِ جِم که خِدا ره ایمون بیارده بینه خَله خِشال بینه.

اعمال رَسولان 2:41

پَس اونایی که پطرسِ پِیغومِ قبول هاکاردِنه، تَعمید بَییتِنه. هَمون روز حدود سه هزار نَفِر، وِشونِ مِلحَق بَینه.