لوقا 19:47 - کتاب مقدس به زبان مازندرانی - گویش شرقی

⁴⁷ عیسی هر روز مَعبِدِ دِله تَعلیم دائه. مَعبِدِ گَت گَتِ کاهِنون و توراتِ ملّمون و قومِ رئیسون وه بَکوشتِنِ دِمبال دَیینه،

مازندرانی

⁴⁷ وِ هر روزصحن معبد دِله تعلیم داهه. اما سران کاهنون و علِمایِ دینی و مشایخ دِنبالِ بَکاشتِنه وِ دَیینه

گیله ماز

⁴⁷ عیسی هر روز مَعبَدِ دِلِه تَعلیم دَنه با. مَعبَدِ گَتِه کاهِنان و توراتِ مُعَلِمین و قومِ رَئیسان اونه بَکوشتَن دُمّال دَبان،

کتاب مقدس به زبان مازندرانی - گویش غربی

⁴⁷ عیسی هر روز مَعبَدی دِلِه تَعلیم داوِه. مَعبَدی گَت گَتِه کاهنِن و توراتی مَلِّمِن و قومی رَئیسِن وی بَکوشتَنی دِمال دَوِنِه،

لوقا 19:47 Iomraidhean Croise

اِنجیلِ مَتّی 21:23

عیسی مَعبدِ دِله بورده و شِروع هاکارده، مَردِمِ تَعلیم هِدائِن. گَت گَتِ کاهِنون و قومِ مَشایخ وه پَلی بییَمونه، بااوتِنه: «به چه حَقّی این کارا ره کاندی؟ کی این اِختیارِ تِ ره هِدا؟»

اِنجیلِ مَتّی 26:55

هَمون مووقه عیسی جَمیِّتِ بااوته: «مَگه من راهزِنِمه که شَمشیر و چوِ هِمراه، مِ بَییتِنه وِسه بییَمونی. مِن همه روزه مَعبِدِ دِله نیشته بیمه و تَعلیم دامه، مِ ره نَییتینی.

مَرقُس 11:18

مَعبِدِ گَت گَتِ کاهِنون و توراتِ مَلِّمون وَختی اینِ بِشنُسِنه، یِتا راهِ دِمبال گِردِسِنه تا عیسی ره از بین بَوِرِن، چوون وه جِم تَرسینه، چوون تِمومِ جَمیِّت وه تَعلیم هِدائِنِ جِم حیروون بینه.

مَرقُس 12:12

وِشون خواسِنه عیسی ره بَیرِن، چوون بِفَهمِسِنه که عیسی این مَثِلِ وِشونِ خَوِری بااوته، ولی مَردِمِ جِم تَرس داشتِنه؛ پَس عیسی ره وِل هاکاردِنه و بُوردِنه.

مَرقُس 14:1

دِ روز، پِسَخ و فَطیرِ عیدِ بَمونِسه بییه. مَعبِدِ گَت گَتِ کاهِنون و توراتِ مَلِّمون یِتا راهِ دِمبال دَیینه که عیسی ره کَلِکِ هِمراه بَیرِن و بَکوشِن،

مَرقُس 14:49

مِن هر روز مَعبِدِ دِله شِمه پَلی تَعلیم دامه و مِ ره نَییتِنی. ولی مِقدَّسِ بَنوِشته ها وِنه اِنجام بَووه.»

لوقا 19:48

ولی شه کارِ وِسه هیچ راهی نَتونِسِنه پی دا هاکانِن، چوون تِمومِ مَردِم وه گَب بَزوئِنِ عاشق بینه.

لوقا 20:19

توراتِ ملّمون و مَعبِدِ گَت گَتِ کاهِنون وَختی بِفَهمِسِنه این مَثِلِ وِشونِ خَوِری گانه، خواسِنه هَمون لَحظه عیسی ره بَیرِن، ولی مَردِمِ جِم تَرسینه.

اِنجیلِ یوحنا 10:39

اون وَخت اَت کَش دییه خواسِنه وه ره دسگیر هاکانِن، ولی عیسی وِشونِ دَسِ جِم دَر بُورده.

اِنجیلِ یوحنا 18:20

عیسی جِواب هِدا: «مِن دِنیائه هِمراه عَلِنی گَب بَزومه و هَمِش عبادتگاه و مَعبِدِ دِله که تِمومِ یَهودیون جَمع بونِنه، تَعلیم هِدامه و خَلوتِ دِله هیچی نااوتِمه.

اِنجیلِ یوحنا 7:19

مگه موسیِ پیغمبِر، شَریعتِ شِما ره نِدا؟ ولی هَمتی هَم شِمه جِم هیچ‌ کِدوم، اونِ عَمِل نَکانده. چه مِ بَکوشتِنِ دِمبال دَرِنی؟»

اِنجیلِ یوحنا 7:44

بعضیا خواسِنه وه ره دَسگیر هاکانِن، ولی هیچ کی وه سَمت دَس بِلِند نَکارده.