لوقا 19:11 - کتاب مقدس به زبان مازندرانی - گویش شرقی

¹¹ هَمون مووقه که وِشون این گَبا ره گوش دانه، عیسی شه گَبِ دِمبال یِتا مَثِل بیارده، چوون اورشَلیمِ نَزیکی دَییه و مَردِم خیال کاردِنه خِدائه پادشاهی هَمون مووقه ظاهر بونه.

مازندرانی

¹¹ در همون موقع که اونا به این حرفها گوش دانه عیسی در ادامۀ شه حرفها، مثلی بیارده، اینِسّه که در نزدیکی اورشلیم دَییه و مردِم فکر کاردِنه پادشاهی خِدا در همون موقع ظهور کانده.

گیله ماز

¹¹ همون موقه که اوشان این گَبا رِه گوش دَنِه بان، عیسی خودشه گَبِ دُمّال ایتا مَثَل بیاردِه، چون اورشلیمِ نَزیکی دَبا، مَردُم گَمان کانه بان خُدایِ پادشاهِی همون موقه ظاهِر بونه.

کتاب مقدس به زبان مازندرانی - گویش غربی

¹¹ هَمون موقِه گه وِشون هَین گَبارِه گوش داوِنِه، عیسی شی گَبی دِمال یَتِه مَثَل بیاردِه، چون اورشلیمی نَزیکی دَوِه، مَردِن گِمون کِردِنِه خِدایی پادشاهی هَمون موقِه ظاهِر وونِه.

لوقا 19:11 Iomraidhean Croise

لوقا 17:20

عیسی، عُلِمائه فِرقه فریسیِ جِواب، که بَپِرسی بینه خِدائه پادشاهی کِی اِنه، بااوته: «خِدائه پادشاهی جوری نییه که بَتونی اونِ بَوینی،

لوقا 9:51

وَختی اون روزا بَرِسیه که قِرار بییه عیسی آسِمون بَردَگِرده، وه مِصَمَم بَییه که اورشَلیم بُوره.

اعمال رَسولان 1:6

وَختی رَسولون دورِ هم جَمع بَییه بینه، عیسی جِم بَپِرسینه: «خِداوندا، وه مووقه اَلانِ که تِ اِسرائیلِ پادشاهی ره وه ره بَردِگاردِنی؟»