لوقا 18:9 - کتاب مقدس به زبان مازندرانی - گویش شرقی

⁹ اون وَخت عیسی بعضیائه وِسه که شه دِرِسکاریِ جِم مِطمَئن بینه و بَقیه ره کِچیک اِشمارِسِنه، این مَثِلِ بیارده:

مازندرانی

⁹ بعد عیسی بعضی اِسه که شه پارسایی جه مطمئن بینه و دیگِرون رِه شه پَلی کوچیک دینه این مثل رِه وویشونسه بیارده:

گیله ماز

⁹ ایما عیسی بَعضیانِ وَسین که خودِشانِه دُرسکاری یه جی مُطمَئِن بان و بَقیِه رِه کوچِک شُماردِنِه بان، این مَثَلِ بیاردِه:

کتاب مقدس به زبان مازندرانی - گویش غربی

⁹ اَزما عیسی بَعضیایی سِه گه شی دِرِسکاری ای جا مِطمَئِن وِنِه و بَقیِه رِه کِچیک اِشمارسِنِه، هَین مَثَلِ بیاردِه:

لوقا 18:9 Iomraidhean Croise

لوقا 10:29

ولی وه شه توجیه هاکاردِنِ وِسه عیسی جِم بَپِرسیه: «مِ هَمساده کیِ؟»

لوقا 15:2

عُلِمائه فِرقه فریسی و توراتِ مَلّمون، غُرغُر کاردِنه و گاتِنه: «این مَردی گِناهکارونِ قبول کانده و وِشونِ هِمراه همسِفره بونه.»

لوقا 16:15

عیسی وِشونِ بااوته: «شِما اونایی هَسِنی که شه ره مَردِمِ پَلی دِرِسکار نِشون دِنِنی، ولی خِدا شِمه دِلِ جِم خَوِر دارنه. اونچی که مَردِم، وه ره ارزش هادِن، خِدائه نَظِر ناپَسِندِ!

لوقا 18:11

فریسی اِیست هاکارده و شه هِمراه این طی دِعا هاکارده: ”خِدایا، تِ ره شکر کامبه که، دییهِ مَردِمِ واری دِز و ظالِم و زِنا کار نیمه، حَتّی این خراجگیرِ واری هم نیمه.

لوقا 19:7

وَختی مَردِم اینِ بَدینه، همه غُرغُر هِمراه گاتِنه: «یِتا گِناهکارِ سِره مِهمونی بُورده.»

لوقا 7:39

وَختی اون فریسی اینِ بَدیئه، شه پَلی بااوته: «اگه این مَردی راس راسی پِیغَمبِر بییه، دونِسه این زِنا که وه ره دَس کَشِنه چی طی زِناییِ؛ دونِسه که گِناهکارِ.»

اِنجیلِ یوحنا 8:48

یَهودیون وه جِواب بااوتِنه: «مگه دِرِس نااوتیمی که سامری هسی و دِو دارنی؟»

اِنجیلِ یوحنا 9:28

وِشون وه ره فحش هِدانه، بااوتِنه: «تِ شه وه شاگردی! اِما موسیِ پِیغمبِرِ شاگردیمی.

اِنجیلِ یوحنا 9:34

وِشون وه جِواب بااوتِنه: «تِ که تِموماً گِناه دِله دِنیا بییَموئی. اِسا، اِما ره هَم دَرس دِنی؟» پَس وه ره بیرون هاکاردِنه.

اعمال رَسولان 22:21

خِداوند مِ ره بااوته: ”بور؛ چوون مِن تِ ره دورِ دورِ جاها، غیرِ یَهودیونِ پَلی فِرِسِندِمبه»

رومی ایشون 10:3

چوون اون صالحیِ نَدونِسِنِ خاطِری که خِدائه جِم هَسه و اینِ وِسه که شه صالحیِ ثابت هاکاردِنِ دِمبال دَیینه، اون صالحیِ روب رو که خِدائه جِم هَسه، شه سَرِ جِر نیاردِنه.

رومی ایشون 14:10

پَس تِ چه شه بِرابرِ قِضاوِت کاندی؟ یا تِ چه شه بِرارِ کِچیک اِشمارِنی؟ چوون اِما همه خِدائه داوِریِ تَختِ پَلی اِیست کامبی.

رومی ایشون 14:3

اونی که همه چی خارنه، نَوِسه اونی که نَخارنه ره کِچیک بِشماره؛ و اونی که همه چی نَخارنه، نَوِسه اونی که همه چی خارنه ره قِضاوِت هاکانه. چوون خِدا وه ره قبول هاکارده.

رومی ایشون 7:9

مِن یه وَختی سیوا از شَریعت، زنده بیمه؛ ولی وَختی شَریعتِ حِکم بییَمو، گِناه زنده بَییه و مِن بَمِردِمه.