لوقا 18:32 - کتاب مقدس به زبان مازندرانی - گویش شرقی

³² چوون وه ره غیریَهودیونِ دَس تَسلیم کاندِنه. وِشون وه ره مَسخره و توهین کاندنه و وه دیمِ سَر خِلیک دِم دِنِنه، و وه ره شِلاق زَندنه و کُشِنِنه.

مازندرانی

³² اینِسّه که وِ رِه به غیریهودی ها دِننه. اونا وِ رِه مسخَره و توهین کاننه و توف وِنه سَر شَندِننه وره چوو زَننه و کاشِننه.

گیله ماز

³² چون اونه غیرِ یَهودیِانِ دَس تَسلیم کانَن، اوشان اونه مسخره و توهین کانَن و اونه دیمِ سَر فیلی تووادِنَن و اونه شَلّاق زَنَن و کُشِنَن.

کتاب مقدس به زبان مازندرانی - گویش غربی

³² چون وِرِه غیرِیَهودیِنی دَس تَسلیم کِنِنِه، وِشون وِرِه مِزاغ چینِنِه و توهین کِنِنِه و وی دیمی سَر فِلیک دیم دِنِنِه و وِرِه شَلّاق زَنِنِه و کِشِنِنِه.

لوقا 18:32 Iomraidhean Croise

اِنجیلِ مَتّی 16:21

اَزون بعد، عیسی شه شاگِردونِ گاته که وه اورشَلیم شونه، اونجه مَشایخ و مَعبِدِ گَت گَتِ کاهِنون و توراتِ مَلِّمون وه ره آزار دِنِنه و کُشِنِنه، ولی گاته که سِومین روز زِنده بونه

اِنجیلِ مَتّی 20:19

وِشون اِنسانِ ریکا ره بِت پَرَسِ قومِ دَس تَحویل دِنِنه، وِشون اونِ مَسخره کاندِنه، شِلاق زَندِنه و صَلیب کَشِنِنه. و وه سِومین روز زنده بونِه.»

اِنجیلِ مَتّی 22:6

بَقیه هم، پادشاهِ نوکِرونِ بَییتِنه و بی حِرمتی هاکاردِنه و وِشونِ بَکوشتِنه.

اِنجیلِ مَتّی 26:67

بعد عیسیِ دیمِ سَر خیلّیک دَشِندینه و وه ره بَزونه. بعضیا وه ره چَک زوونه و

اِنجیلِ مَتّی 27:2

بَعد اِز اون عیسی ره دَس دَوِسه بَوِردِنه و رومِ فَرموندار پیلاتُسِ، تَحویل هِدانه.

مَرقُس 14:65

اون وَخت بعضیا عیسیِ دیمِ سَر خِلّیک دم هِدانه؛ وِشون وه چشا ره دَوِسِنه و هَمون طی که وه ره زونه، گاتِنه: «پیشگویی هاکان!» نگهوونون هَم وه ره بییتِنه و بَزونه.

مَرقُس 15:1

زودِ صِواحی، دَرجا، مَعبِدِ گَت گَتِ کاهِنون، مَشایخ و توراتِ مَلِّمون و تِمومِ یَهودِ شورا یه جا جَمع بَینه و هَمدییهِ هِمراه مَشورت هاکاردِنه. وِشون عیسی ره دَس دَوِسه بَوِردِنه و پیلاتُسِ رومی فرموندارِ تَحویل هِدانه.

لوقا 18:33

ولی سِوّمین روز زنده بونه.»

لوقا 23:1

بعد تِمومِ شورا بِلِند بَینه و عیسی ره پیلاتُس پَلی بَوِردِنه

لوقا 23:11

هیرودیس و وه سربازون هم عیسی ره بی‌ حِرمتی و مَسخره کاردنه. بعد یِتا شاهانه قَوا وه تَن دَکاردِنه و پیلاتُسِ پَلی بَردِگاردِنینه.

لوقا 23:35

مَردِم اِیست هاکارده بینه و تِماشا کاردِنه و قومِ رئیسون هم نیشخند زوونه و گاتِنه: «بَقیه ره نِجات هِدا! اگه وه خِدائه مَسیحِ یعنی هَمون انتخاب بَییه، شه ره نِجات هاده.»

اِنجیلِ یوحنا 18:22

وَختی عیسی اینِ بااوته، یِتا از مامورون که اونجه اِیست هاکارده بییه، وه دیمِ چَک بَزو و بااوته: «کاهِنِ اَعظِمِ جِوابِ این طی دِنی؟»

اِنجیلِ یوحنا 18:28

بعد زود صِواحی، عیسی ره قیافائه وَرِ جِم، فرموندارِ کاخِ دِله بَوِردِنه. وِشون شه، فرموندارِ کاخِ دِله نَشینه تا نَجس نَووِن و بَتونِن پِسَخِ عیدِ شومِ بَخُرِن.

اِنجیلِ یوحنا 18:30

وِشون جِواب هِدانه: «اگه این مَردی گِناهکار نَییه، وه ره تِ تحویل نِدامی.»

اِنجیلِ یوحنا 18:32

این طی عیسیِ گَب اینِ خَوِری که بااوته بییه چی طی مییِرنه، حَییقت بَرِسیه.

اِنجیلِ یوحنا 18:35

پیلاتُس بااوته: «مَگه مِن یهودیمه؟ تِ قوم و مَعبِدِ گَت گَتِ کاهِنون، تِ ره مِ تحویل هِدانه؛ چی هاکاردی؟»

اعمال رَسولان 2:23

این عیسی طِبق خِدائه اِراده و نَخشه، شِمه تَسلیم بَییه و شِما کافِرونِ دَس وه ره صلیب بَکِشینی و بَکوشتینی.

اعمال رَسولان 3:13

ابراهیمِ خِدا و اِسحاقِ خِدا و یَعقوبِ خِدا، اَمه پییِرونِ خِدا، شه خادِم عیسی ره جِلال هِدا، همونی که شِما وه ره تَسلیم هاکاردینی و پیلاتُسِ فرموندارِ پَلی وه ره اِنکار هاکاردینی، هرچَن پیلاتُسِ نَظِر این بییه که وه ره آزاد هاکانه.