لوقا 18:17 - کتاب مقدس به زبان مازندرانی - گویش شرقی

¹⁷ حَییقَتاً، شِما ره گامبه، هر کی خِدائه پادشاهی ره وچه ای واری قبول نَکِنه، هیچ وَخت اونِ دِله نَشونه.»

مازندرانی

¹⁷ راستی راستی شِما رِه گامبه هر کی پادشاهی خِدا رِه مثلِ اتا خورده وَچه قبول نَکانه هرگز نتونده وارد پادشاهی خِدا بووهه.»

گیله ماز

¹⁷ راس راسی شِمِره گونَم، هَر کی خُدایِ پادشاهِی رِه وَچِه هانِ مِثان قبول نَکُنِه، هیچ وَخت اونه دِلِه نَشونِه.»

کتاب مقدس به زبان مازندرانی - گویش غربی

¹⁷ حَیقَتاً شِمارِ گِمِه، هر کی خِدایی پادشاهی رِه وَچیلِه ای تَرا قَبول نَکِنِه، هیچ وَخت اونی دِلِه نَشونِه.»

لوقا 18:17 Iomraidhean Croise

اِنجیلِ مَتّی 18:3

و بااوته: حَییقَتاً شِما ره گامبه، «تا عَوِض نَووین و کِچیکِ وَچِهِ واری نَووین، نَتوندِنی هیچ وَخت آسِمونِ پادشاهیِ دِله بُورین.

اِنجیلِ مَتّی 19:14

ولی عیسی بااوته: «بییِلین کِچیکِ وَچون، مِ پَلی بِیِّن، وِشونِ دَمِ نَیرین، چوون اونایی که این وَچونِ واری بوئِن توندِنه آسِمونِ پادشاهیِ دِله بِیِّن.

مَرقُس 10:15

حَییقَتاً، شِما ره گامبه، هر کی خِدائه پادشاهی ره وچهِ واری قبول نَکِنه، هیچ وَخت اونِ دِله نَشونه.»

لوقا 18:16

ولی عیسی شه شاگِردونِ صدا هاکارده و بااوته: «بییِلین وچون، مِ پَلی بِیِّن؛ وِشونِ دَمِ نَیرین، چوون خِدائه پادشاهی این طی کِسائه وِسه هَسه.

اوّلین نامِه قُرنتیانی سِه 14:20

ای بِرارون، فکر هاکاردِنِ دِله وَچونِ واری نَبوئین. بلکه بَدی هاکاردِنِ دِله وَچونِ واری بوئین. ولی فکر هاکاردِنِ دِله گَتِ آدِم بوئین.

اول پِطرُس 1:14

اون مطیعِ وچونی واری، اون هِوا و هوس هائه واری نَبوئین که نادونیِ دورانِ دِله داشتینی.

اول پِطرُس 2:2

و چِلیکِ وَچونِ واری، روحانیِ پاکِ شیرِ ذوقِ دارین تا ‌ اونِ طریق نِجاتِ دِله رشد هاکانین،