لوقا 17:29 - کتاب مقدس به زبان مازندرانی - گویش شرقی

²⁹ ولی روزی که لوط سُدومِ جِم بیرون بییَمو، تَش و گوگرد، آسِمونِ جِم بِوارِسه و همه ره هِلاک هاکارده.

مازندرانی

²⁹ اما اتا روز که لوط سدوم رِه وِل هاکارده تَش و گوگرد از آسمون بِبارِسته و همه رِه هلاک هاکارده.

گیله ماز

²⁹ وَلی روزی که لوط سُدوم جی دِرگا بوما، تَش و گوگِرد آسِمانِ جی بِبارِسِّه و هَمه رِه هَلاک هَکُردِه.

کتاب مقدس به زبان مازندرانی - گویش غربی

²⁹ ولی روزی گه لوط سُدومی جا دیرگا بیمو، تَش و گوگِرد آسِمونی جا بَوارِسِّه و هَمه رِه هَلاک هاکِردِه.

لوقا 17:29 Iomraidhean Croise

لوقا 17:28

لوطِ دوره هم این طی بییه. مَردِم بَخُردِن و بَنوشییِن و بَخرییِن و بَروتِن و دَکاشتِن و بِساتِنِ مشغول بینه.

لوقا 17:30

روزی که اِنسانِ ریکا ظِهور کانده همین طیِ.

پطرسی دِوّمین نامِه 2:6

اگه سُدوم و عَمورَهِ شهرا ره کِلین هاکارده و نابودیِ وِسه مَحکوم هاکارده تا بی دینیِ آخِرعاقِبتِ وِسه، دَرِسِ عبرتی بوئه،

یهودائه نامه 1:7

همین طی، سُدوم و عَمورَه و دورِ وَرِ شهرا، که وِشونِ واری بی عفتی هاکاردِنه و اون هرزگیِ دِمبال که تَنِ وِسه غیرِطبیعی بییه بوردِنه، اَبدی تَشِ دِله مجازات بَینه، تا یِتا دَرسِ عبرت همهِ وِسه بوئِن.

یوحنایِ مکاشفه 11:8

و وِشونِ جِنازه ها ره اون گَتِ شَهرِ جادّهِ دِله که ‌کنایهِ وار سُدوم و مصرِ گانِنه، زِمینِ سَر موندِنه؛ اونجه که وِشونِ خِداوند مصلوب بَییه.

یوحنایِ مکاشفه 14:10

وه هم خِدائه غَضِبِ شِرابِ جِم خوارنه اون شرابی که پِر‌ملات و خالصِ، خِدائه غَضِبِ پیالهِ دِله دَشِندی بَییه. وه، مِقَدَّسِ فرشته هائه جلو و وَرهِ جلو، تش و گوگِردِ هِمراه عِذاب کَشِنه.

یوحنایِ مکاشفه 19:20

اون وحشی جانور گرفتار بَییه و وه هِمراه اون دِراغی پِیغَمبِر که اون وحشی جانورِ پیش نشونه ها و معجزات اِنجام دائه تا اونا ره گول بَزِنه که اون وحشی جانورِ علامتِ قبول هاکارده بینه و وه مِجَسمه ره پَرِسش کاردِنه. وِشون هر دِتا، زِنده زِنده تَش دریاچهِ دِله که گوگردِ هِمراه سوزِنه، دِم هِدا بَینه.