لوقا 16:17 - کتاب مقدس به زبان مازندرانی - گویش شرقی

¹⁷ با این وجود، آسِمون و زِمین از بین بُورِ آسونترِ تا اینکه توراتِ جِم یِتا نِخطه دَکِفه!

مازندرانی

¹⁷ امّا این رِ بدونین با این همه آسونتر هَسّه آسمون و زمین از میونه بوره تا اینکه اتا نقطه از تورات از جا دَکِفه!

گیله ماز

¹⁷ با این وجود، آسِمان و زَمین از بِین بوشو آسانتَرِ تا اینکه ایتا نُخطِه توراتِ جی بَکِّه!

کتاب مقدس به زبان مازندرانی - گویش غربی

¹⁷ با هَین وجود، آسِمون و زَمین از بِین بورِه آسونتَرِ تا هَینگه توراتی جا یَتِه نِخطِه دیم بَخارِه!

لوقا 16:17 Iomraidhean Croise

اِنجیلِ مَتّی 5:18

چوون حَییقَتِن شِما ره گامبه تا آسِمون و زِمین شه جائه سَر دَرِنه، هیچ حَرف یا یِتا نِختِه توراتِ جِم از بین نَشونه، تا اینکه تِمومِ اون اِنجام بَووه.

لوقا 21:33

آسِمون و زِمین از بین شونِنه، ولی مِ گَب هیچ وَخت از بین نَشونه.

رومی ایشون 3:31

پَس مگه اِما این ایمونِ هِمراه، شَریعتِ از بین وَرمی؟ البته که نا! بلکه برعکس اِما شَریعتِ برقرار کامبی.

اول پِطرُس 1:25

ولی خِداوندِ کِلام تا اَبد به جا موندِنه.» و این کِلام، اون خوارِ خَوِرِ خِشِ که شِما ره اِعلام بَییه.

پطرسی دِوّمین نامِه 3:10

ولی خِداوند عیسیِ بَردَگِردِسِنِ روز، دِزِ واری اِنه، اون مووقه آسمونون یِتا گَتِ صِدائه هِمراه از بین شونه و ستاره ها تش گِرنِنه و نابود بونِنه، زِمین و تِمومِ وه کارا دیار بونه.

یوحنایِ مکاشفه 20:11

بعد یِتا گَتِ اسبهِ تخت بَدیمه، و یه نَفِر که وه سَر نیشته بییه. آسِمون و زِمین وه حِضورِ جِم فِرار کاردِنه و هیچ جایی وِشونِ وِسه پی دا نَییه.

یوحنایِ مکاشفه 21:1

بعد یِتا جدیدِ آسِمون و جدیدِ زِمین بَدیمه، چوون اَوِّلین آسِمون و اَوِّلین زِمین از بین بورده بینه و دییه دریایی دَنی بییه.

یوحنایِ مکاشفه 21:4

وه، وِشونِ چِشائه جِم هر اَسری ره پاک کانده. و دییه مرگی دَنییه؛ و دییه هیچ شیون و هیچ برمه و هیچ دردی دَنیه، چوون اَوِّلین چیا از بین بوردِنه.»