لوقا 16:13 - کتاب مقدس به زبان مازندرانی - گویش شرقی

¹³ هیچ نوکِری نَتونده دِتا اَربابِ خِدمِت هاکانه، چوون یا یِتائه جِم بیزار بونه و اون یِتا ره دوس دارنه، یا یِتا ره دِل وَنده و اون یِتا ره کِچیک اِشمارِنه. نَتوندِنی هم خِدائه بنده بوئین، هم پولِ بنده.»

مازندرانی

¹³ هیچ غلامی دِتا ارباب رِه خدمِت نَتونده هاکانه اینِسّه که یا از اَتّا نِفرت پدا کانده و به دیگری علاقه مند وونه و یا سَرسپرده اَتّا از اونا وونه و اتا نَفر دیگه رِه خوار خوندِنه. نَتوننی هِم بندۀ خِدا بوشین هِم بندۀ پول.»

گیله ماز

¹³ هیچ پاکاری نَتَّنِه دُتا اَربابِ خِدمَت هَکونه، چون یا ایتا یِه جی بیزار و اون یکی رِه دوس دارِه، یا ایتا رِه دِل دَبِندِنه و اون ایتا رِه کوچِک شماردِنه. نَتَّنید هَم خُدایِ بَندِه هَبین و هَم پولِ بَندِه.»

کتاب مقدس به زبان مازندرانی - گویش غربی

¹³ هیچ نوکَری نَتِنِّه دِتا اَربابِ خِدمَت هاکِنِه، چون یا یَتِه ای جا بیزار وونِه و هون یَتّارِه دوس دارنِه، یا یَتِه رِه دِل وَنِّه و هون یَتّارِه کِچیک اِشمارنِه. نَتِنِّنی هَم خِدایی بَندِه ووئین و هَم پولی بَندِه.»

لوقا 16:13 Iomraidhean Croise

اِنجیلِ مَتّی 4:10

عیسی اِبلیسِ بااوته: «دور بَواش اِی شِیطان! توراتِ دِله بَنوِشته بَییه: «”خِداوَند، شه خِدا ره وِنه پَرَسِش هاکانی و فِقَط وه ره خِدمِت هاکانی.“»

اِنجیلِ مَتّی 6:24

«هیچ کی نَتونده دِتا اربابِ خِدمِت هاکانه، چوون یا اَوِّلی جِم وه ره بَد اِنه و دِوّمی ره دوس دارنه و یا اَوِّلی ره وِفادارِ و دِوّمی ره کِچیک اِشمارِنه. شِما نَتوندِنی هم خِدائه غِلام بوئین و هم پولِ غِلام .

لوقا 11:23

«هر کی مِ هِمراه نییه، مِ علیه، و هر کی مِ هِمراه جَمع نَکِنه، تار و مار سازِنه.

لوقا 14:26

«هر‌ کی مِ پَلی بِیّه و شه پییِر مار، زِنا و وَچه، بِرار و خواخِر و حَتَّی شه جانِ جِم نَفرِت نِداره، نَتونده مِ شاگرد بوئه.

لوقا 16:12

اگه یه نَفِرِ دییهِ مالِ دِله اَمین نَبوئین، کی اونچی که شِمه وِسه هَسه ره شِما ره دِنه؟

لوقا 16:9

شِما ره گامبه این دِنیائه فاسِدِ مالِ، رَفِق پی دا هاکاردِنِ وِسه خَرج هاکانین تا وَختی اون مال تِموم بَییه، شِما ره ابدی سِرهِ دِله قبول هاکانِن.

لوقا 9:50

ولی عیسی بااوته: «وه دَمِ نَیرین، چوون هر کی شِمه علیه نَبوئه، شِمه هِمرائه.»

یعقوبِ نامه 4:4

ای زِناکارون، مگه نَدوندِنی دِنیائه هِمراه دوسی هاکاردِن، خِدائه هِمرا دِشمِنی هاکاردِنِ؟ پَس هر کی اینِ دِمبال دَره که دِنیائه هِمراه دوسی هاکانه، شه ره خِدائه دِشمِن کانده.