لوقا 15:6 - کتاب مقدس به زبان مازندرانی - گویش شرقی

⁶ و سِره اِنه، شه رَفِقون و هِمساده ها ره جَمع کانده و گانه: ”مِ هِمراه خِشالی هاکانین، چوون شه گوم بَیّه گُسفِنِ پی دا هاکاردِمه.“

مازندرانی

⁶ و شونه شه سِره. و شه تموم دوستا و هِمسایهون ره جمع کانده تا با وِه شادی هاکانند. اینِسّه که گوسفندی رِه که گوم بَییه بی‌یِه رِه پدا هاکارده.

گیله ماز

⁶ و سِرِه هَنه، خودشه رَفیقان و هَمسادِگانِ جَمع کانه و گونه ”می هَمرَه خُشحالی هَکُنید؛ چون می گُم هَبوسِّه گوسِندِ پیدا هَکوردَم.“

کتاب مقدس به زبان مازندرانی - گویش غربی

⁶ و خِنِه اِنِه، شی رَفِقِن و هَمسادِگونِ جَم کِنِّه و گِنِه: ”می هَمرا خِشالی هاکِنین؛ چون شی گِم بَوِه گِسَنِ بَنگیتِمِه.“

لوقا 15:6 Iomraidhean Croise

لوقا 1:58

وه هِمساده ها و فامیلون وَختی بِشنُسِنه که خِداوند چَنده گَتِ رحمِت وه وِسه هاکارده، وه خِشالیِ دِله شَریک بَینه.

لوقا 15:10

شِما ره گامبه، همین طی، یِتا گِناهکارِ توبه هاکاردِنِ وِسه، خِدائه فرشته هائه پَلی شادی بر پا بونه.»

لوقا 15:24

چوون مِ این ریکا بَمِرده بییه، اَی دِواره زِنده بَییه؛ گوم بَییه بییه، پی دا بَییه!“ پَس جشن بَییتِنه و شادی هاکاردِنه.

لوقا 15:5

و وَختی گوم بَیّه گُسفِنِ پی دا هاکارده، اونِ خِشالیِ هِمراه شه دوش اییِلنه

لوقا 15:7

شِما ره گامبه، همین طی، یِتا گِناهکارِ وِسه که توبه کانده، آسمونِ دِله جَشن و شادیِ گَتتِری بر پا بونه تا اون نَود و نه تا دِرِسکارِ وِسه که نیاز به توبه نِدارنِنه.

اِنجیلِ یوحنا 15:14

اگه اونچی شِما ره حِکم کامبه ره اِنجام هادین، مِ رَفِقونِنی.

اِنجیلِ یوحنا 3:29

آروس، دومادِ وِسه هَسه، دومادِ رَفِق که اِیست هاکارده و وه ره گوش دِنه، دومادِ صِدائه جِم خَله خِشالی کانده. مِ خِشالی هم همین طی کامل بَییه .

اعمال رَسولان 11:23

وَختی برنابا اونجه بَرِسیه و خِدائه فیضِ بَدیئه، خِشال بَییه و همه ره تَشویق هاکارده تا تِموم دلِ هِمراه خِداوندِ وِفادار بوئِن،

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

فیلیپیان 1:4

و تِمومِ شه دِعاهائه دِله، هَمش، شِما همهِ وِسه خِشالیِ هِمراه دِعا کامبه،

فیلیپیان 2:17

حَتّی اگه لازم بَووه که مِ خون یِتا‌ پیشکشِ واری، شِمه ایمونِ قِروونیِ وِسه دَشِندی بَووه، ذوق دارمه و شِما هَمهِ هِمراه خِشالی کامبه.

فیلیپیان 4:1

پَس، مِ بِرارون که شِما ره دوس دارمه و شِمه بَدیئِنِ وِسه مشتاقِمه، ای شِما که مِ خِشالی و مِ سَرِ تاجِنی، ای عزیزون، این طی خِداوندِ دِله قایم ایست هاکانین.

اوّل تِسالونیکیان 2:19

چوون اَمه امید و خِشالی و اِفتخارِ تاج، اَمه خِداوند عیسیِ روب رو مووقه ای که بِیّه، چیه؟ مگه شِما نینی؟

اول پِطرُس 2:10

قبلتر قومی نَبینی، ولی اَلان خِدائه قومِنی؛ یه مووقه خِدائه رحمِتِ جِم محروم بینی، ولی اَلان خِدائه رَحمِتِ بَییتینی.

اول پِطرُس 2:25

چوون شِما گُسفِنایی واری بینی که شه راهِ گم هاکارده بینی، ولی اِسا چَپونُ، شه جان هائه ناظِرِ سَمت بَردَگِردِسینی.