لوقا 15:17 - کتاب مقدس به زبان مازندرانی - گویش شرقی

¹⁷ سَر آخِر شه پَلی بااوته: ” مِ پییِرِ خَله از کارگرون، اضافی غِذا هم دارنِنه و مِن اینجه وِشناییِ جِم دَره تَلِف بومبه.

مازندرانی

¹⁷ آخر سَر عقل بیَموئه شه پَلی فکر هاکارده بائوته: ‹ای خِدا مه پی‌یِر کارِگرها غذا اضافی یارِننه و مِن اینجه وِشنایی جه دَرِمبه مییِرِمبه.

گیله ماز

¹⁷ سَرآخَر خودِشِه وَر باگوته ”می پیَرِ پاکاران، اِضافِه غذا هم دارَن و مَن ایجه وَشنایی جی دَرَم تَلف هَبوم.

کتاب مقدس به زبان مازندرانی - گویش غربی

¹⁷ سَرآخَر شی وَر بُتِه: ”می پیری خِیلی از کارگَرِن اِضافِه غذا هَم دارِنِه و مِن هَیجِه وَشنایی جا دِ تَلف وومِه.

لوقا 15:17 Iomraidhean Croise

لوقا 15:16

اون ریکا آرزو داشته شه اِشکِمِ خی هائه خِراکِ جِم سیر هاکانه، ولی هیچ کی وه ره هیچی نِدا بییه.

لوقا 16:23

ولی وَختی اون پولدارِ مَردی مِرده هائه دِنیائه دِله چِش واز هاکارده، شه ره عِذابِ دِله بَدیئه. از دور، ابراهیمِ بَدیئه که ایلعازَر هم وه پَلی دَییه.

لوقا 8:35

پَس مَردِم بیرون بییَمونه تا اونچی ره اتّفاق دَکِته بییه ره بَوینِن، وَختی عیسیِ پَلی بَرِسینه و بَدینه اون مَردی که دِوها وه جِم در بییَمو بینه، لِواس دَپوشیه و عاقل عیسیِ لینگِ پَلی نیشته، بَترسینه.

اعمال رَسولان 12:11

پِطرُس وَختی سَرساب بَییه، بااوته: «اِسا دییه مطمئنِمه که خِداوند شه فرشته ره بَفرِسیه و مِ ره هیرودیسِ چَنگ و اون آزار اذیّتی که یَهودِ قوم وه توقع ره داشتِنه، نِجات هِدا.»

اعمال رَسولان 2:37

وَختی وِشون این گبا ره بِشنُسِنه، جوری بَینه که انگار وِشونِ دِل خَنجِر بَخُرده بوئه، پِطرُسِ و دییه رَسولونِ بااوتِنه: «ای بِرارون، چی هاکانیم؟»

اِفِسُسیان 5:14

چوون هر چی دیار بونه نورِ. اینِ وِسه ئه بااوته بَییه که: «ای تِ ای که خو دِله دَری، بیدار بَواش، مِرده هائه جِم زِنده بَواش، و مَسیح شه نورِ تِ سَر تابِنه.»