لوقا 15:13 - کتاب مقدس به زبان مازندرانی - گویش شرقی

¹³ هَمتی خَله زِمون نَگذِشته بییه که، کِچیکِ ریکا هر چی که داشته ره جَمع هاکارده و یِتا دوردَسِ دیار بُورده و شه دارایی ره اونجه عیاشیِ هِمراه به ‌باد هِدا.

مازندرانی

¹³ «پس از چند وقت خورده ریکا اونچه داشته جمع هاکارده و راه دَکِته بورده اتا جایه دیگه و شه سرمایه رِه اونجه به عیاشی بر‌باد هادا.

گیله ماز

¹³ هَلَه خِیلی زمان نُگذَشتِ با که کوچِ ریکا هر چی که داشتِه رِه جَمع هَکُردِه و ایتا دور دَستِ دیار بَشَه، وَ اوجِه خودشه دارایی رِه عیاشی یه هَمرَه به باد هَدَه.

کتاب مقدس به زبان مازندرانی - گویش غربی

¹³ حَلا خِیلی زِمِن نِگذِشت وِه گه کِچیک ریکا هر چی گه داشتِه رِه جَم هاکِردِه و یَتِه دور دَسِ دیار بوردِه، و شی دارایی رِه اوجِه عیاشی ای هَمرا به باد هادا.

لوقا 15:13 Iomraidhean Croise

لوقا 15:12

یِتا روز کِچیکِ ریکا شه پییِرِ بااوته: ”ای پییِر، سهمیِ که تِ دارایی جِم مِ ره رِسِنه ره اَلان مِ ره هاده.“ پَس پییِر شه دارایی ره اون دِتا ریکائه میون رَسِد هاکارده.

لوقا 15:14

وَختی هر چی داشته ره خَرج هاکارده، اون دیارِ دِله بَدجور قَحطی بییَمو و تنگدَسی دَکِته.

لوقا 15:30

ولی اِسا که تِ این ریکا بَردَگِردِسه، ریکائی که تِ دارایی ره خِرابِ زن هائه هِمراه به باد هِدا، وه وِسه اون دَوِسه گوگزا ره سَر بَوری ای!“

لوقا 16:1

بعد عیسی شه شاگِردونِ بااوته: «یِتا پولدارِ مَردی، مِواشِری داشته. شکایتی وه ره بَرِسیه که تِ مِواشر تِ اموالِ حیف و میل کانده،

لوقا 16:19

«یِتا پول دارِ مَردی بییه که یِتا اَرغِوونی لِواس نرمِ کَتونِ جنسِ جِم شه تَن کارده و هر ‌روز خِش گُذِرونیِ دِمبال دَییه.

اِفِسُسیان 2:13

ولی اِسا مَسیحْ عیسیِ دِله، شِما که یه وَختی دور بینی، مَسیحِ خونِ طَریق نزیک بَینی.

اِفِسُسیان 2:17

وه بییَمو و صِلحِ و سِلامتیِ خَوِرِ خِشِ شِما ره که دور بینی و اونایی که نزیک بینه ره، اِعلام هاکارده،

پطرسی دِوّمین نامِه 2:13

و اون بدیِ عَوِض که هاکاردِنه، بدی ویندِنه. وِشونِ خِشی، رووشنِ روزِ دِله، عیش و نوش هاکاردِنه. وِشون کثیفِ لکه‌هایینه که شِمه هِمراه مهمونی اِنِنه، گول بَزوئِنِ جِم کیف کاندِنه و اونِ جِم دَس نَکِشِنِنه.