لوقا 14:15 - کتاب مقدس به زبان مازندرانی - گویش شرقی

¹⁵ وَختی یِتا از مِهمونون که عیسیِ هِمراه همسِفره بییه اینِ بِشنُسه، عیسی ره بااوته: «خِش به حال اونی که خِدائه پادشاهیِ دَعوتیِ دِله نون بَخُره.»

مازندرانی

¹⁵ وقتی اَتّا از مهمونها که با عیسی هم‌سفره بی‌یِه اینا رِه بشناسّه بائوته: «خوشبِحال اون که در مهمونیه پادشاهی خِدا در اون دنیا نون خاننه.»

گیله ماز

¹⁵ وَختی ایتا از مِهمانان که عیسیِ یه هَمرَه هَمسُفرِه با اینه بِشنَوِسِّه، عیسیِ رِه باگوته: «خوش بِحالِ اونیکه خُدایِ پادشاهِی یه دَعوَتی یه دِلِه نان بُخارِه.»

کتاب مقدس به زبان مازندرانی - گویش غربی

¹⁵ وختی یَتِه از مِهمونِن گه عیسایی هَمرا هَمسِفرِه وِه هَینِه بِشنُسِه، عیسی رِه بُتِه: «خِش بِحالِ اونیگه خِدایی پادشاهی ای دَعوَتی ای دِلِه نون بَخارِه.»

لوقا 14:15 Iomraidhean Croise

اِنجیلِ مَتّی 25:10

ولی اون مووقه که وِشون، راغون بَخریِنِ وِسه بورده بینِه، دوماد سَر بَرِسیه و اون اَذبِ کیجائون که آمادِه بینه، وه هِمراه آروسیِ دِله بُوردِنه و دَر دَوِسه بَییه.

اِنجیلِ مَتّی 8:11

شِما ره گامبه كه خَیلیا شَرق و غَربِ جِم اِنِنه و آسمونِ پادشاهیِ دِله اِبراهیم و اِسحاق و یَعقوبِ هِمراه یِتا سِفرهِ سَر نیشِنِنه.

لوقا 12:37

خِش به حال نوکِرونی که وَختی وِشونِ اَرباب بَرگِردِنه، وِشونِ بیدار و هوشیار بَوینه. حَییقَتِاً، شِما ره گامبه، وه شه خِدمِت هاکاردِنِ لِواسِ پوشِنه؛ و وِشونِ سِفره سَر نیشِندِنه و اِنه وِشونِ جِم پذیرایی کانده.

لوقا 13:29

مَردِم شرق و غرب و شِمال و جِنوبِ جِم اِنِنه و خِدائه پادشاهیِ سِفرهِ سَر نیشِنِنه.

لوقا 22:16

شِما ره گامبه که دییه این شومِ نَخارمه تا اون مووقه که خِدائه پادشاهی بِیّه.»

لوقا 22:30

تا مِ سِفرهِ سَر مِ پادشاهیِ دِله بَخُرین و بَنوشین و تخت هائه سَر هِنیشین و اِسرائیلِ دِوازده قَبیله ره داوِری هاکانین.

یوحنایِ مکاشفه 19:9

و اون فرشته مِ ره بااوته: «اینِ بَنویس، خِشا به حال اونایی که اون وَره ئه شومِ آروسی دَعوِتِنه.» و مِ ره بااوته: «اینا خِدائه حَییقی کِلامِنه!»