لوقا 13:33 - کتاب مقدس به زبان مازندرانی - گویش شرقی

³³ ولی اَمروز و فِردا و پیرا وِنه شه راهِ ادامه هادِم، چوون مَحالِ یِتا پِیغَمبِر، اورشَلیمِ بیرون هِلاک بَووه.“

مازندرانی

³³ اما امروز و فردا و پس‌فردا باید شه راه رِه ادامه هادِم اینِسّه که امکان نِداننه نبی بیرون از اورشلیم کشته بَووهه.

گیله ماز

³³ وَلی اِمروز و فَردئی و پس فَردئی بایسّی می راه رِه اِدامِه هَدَم، چون مَحالِ پِیغَمبَر اورشلیمِ دِرگا هَلاک هَبو.“

کتاب مقدس به زبان مازندرانی - گویش غربی

³³ ولی اَمرِز و فَردا و پِرا وِنِه شی راهِ اِدامِه هادَم، چون مَحالِ یَتِه پِیغَمبَر اورشلیمی دیرگا هَلاک بَوو.“

لوقا 13:33 Iomraidhean Croise

اِنجیلِ مَتّی 20:18

وِشونِ بااوته: اِما دَره اورشَلیم شومبی، اورشَلیمِ دِله اِنسانِ ریکا ره دَسگیر کاندِنه و مِ ره مَعبِدِ گَت گَتِ کاهِنون و توراتِ مَلِّمونِ دَس دِنِنه و وِشون اِنسانِ ریکا ره مَرگِ مَحکوم کاندِنه؛

اِنجیلِ مَتّی 21:11

جَمیِّت جِواب دانه: «این عیسیِ پِیغَمبِرِ که ناصرهِ جَلیلِ جِم بییَمو»

لوقا 9:53

ولی اونجهِ مَردِم وه ره قبول نَکاردِنه، چوون دونِسِنه وه مِصَمَمِ که اورشَلیم بوره.

اِنجیلِ یوحنا 11:54

اینِ وِسه عیسی دییه عَلِنی یَهودیونِ دِله رَفتِ آمِد نَکارده، بلکه اونجه جِم یِتا شَهر که وه اسم اِفرایِم که صَحرائه نَزیکی بییه بُورده و شه شاگِردونِ هِمراه اونجه بَمونِسه.

اِنجیلِ یوحنا 11:9

عیسی جِواب هِدا: «مَگه روز، دِوازده ساعت نیه؟ اگه کِسی روزِ دِله راه بوره، وه لینگ جایی نَینه و بنه نَخارنه، چوون این دِنیائه نُورِ وینده.

اِنجیلِ یوحنا 12:35

عیسی وِشونِ بااوته: «نور اَت کم دییه شِمه هِمراه دَره. پَس تا وَختی که هَمتی نورِ دارنِنی، راه بُورین، نَکِنه تاریکی شِمه دُورِ بَیره. اونی که تاریکیِ دِله راه شونه، نَدونده کجه شونه.

اِنجیلِ یوحنا 4:34

عیسی وِشونِ بااوته: «مِ غِذا اینِ که شه بَفرِسیهِ اِراده ره به‌جا بیارِم و وه کارِ اِنجام هادِم.

اِنجیلِ یوحنا 9:4

تا روزِ وِنه بَفرِسیهِ کارا ره اِنجام هادیم؛ دَره شو بونه، که اونِ دِله کِسی نَتونده کار هاکانه.

اعمال رَسولان 10:38

و خِدا چی طی عیسایِ ناصری ره روح القدُس و قِدرَتِ هِمراه مَسح هاکارده، جوری که همه جا گِردِسه و خوارِ کار کارده و تِمومِ اونایی که اِبلیسِ ظِلمِ بِن دَینه ره شِفا دائه، اینِ وِسه که خِدا وه هِمراه دَییه.

اعمال رَسولان 13:27

چوون اورشَلیمِ مَردِم و وِشونِ گَت گَتِ، عیسی ره نِشناسینه و پیغمبِرونِ بااوته ها ره که هر مِقدَّسِ شنبه وِشونِ وِسه بَخوندِسه بونِسه ره نِفَهمِسِنه. وِشون وه مَحکوم هاکاردِنِ هِمراه پِیغَمبِرونِ بااوته ها ره به انجام بَرِسانینه.