لوقا 13:19 - کتاب مقدس به زبان مازندرانی - گویش شرقی

¹⁹ خردل تیمِ موندِنه که یِتا مَردی اونِ بَییته و شه باغِ دِله دَکاشته. اون تیم سَر بَکِشیه و دار بَییه، جوری که آسمونِ پَرِندِا بییَمونه و وه چله هائه سَر کِلی بِساتِنه.»

مازندرانی

¹⁹ پادشاهی خِدا مثلِ دونۀ کوچیکِ خردلی رِه موندنه که اتا نفر اون رِه گِرنه و شه باغ دِله کارِنه. اون دونه نوچ زَنده و داری وونه اونطی که پرندهای آسمون اِنّه و وِنه شاخه هایه سَر کالی سازِننه.»

گیله ماز

¹⁹ ایتا خَردِلِ توُمِ ماندِنه که ایتا مَردَای اونِه بِیته و خودشه باغِ دِلِه بِکاشتِه. اون توم سَربَکشییَه و دار هَبا. جوریکه آسِمانِ پَرندِه شان بومَن و اونه شاخِه بالِه سَر فَک بِساتَن.»

کتاب مقدس به زبان مازندرانی - گویش غربی

¹⁹ هِتی خَردِلی تیمِه مونِّه گه یَتِه مَردی اونِه بَیتِه و شی باغی دِلِه دَکاشتِه. هون تیم سَربَکشیِه و دار بَوِه. جوریگه آسِمونی پَرندِه ایشون بیمونِه و وی شاخِه بالی سَر کِلی بَساتِنِه.»

لوقا 13:19 Iomraidhean Croise

اِنجیلِ مَتّی 17:20

عیسی بااوته: «چوون شِمه ایمون کَمِه! حَییقَتِن شِما ره گامبه، اَگه یِتا خَردِلِ تیمِ اِندا ایمون دارین، توندِنی این كوه ره بارین که از اینجه به اونجه جابِجا بَووه و جابِجا بونه و هیچ کاری شِمه وِسه مَحال نییه. [

مَرقُس 4:30

عیسی وِشونِ بااوته: «خِدائه پادشاهی چی ره موندِنه، یا چه مَثِلِ هِمراه اونِ تُوضیح هادیم؟

لوقا 17:6

عیسیِ خِداوند بااوته: «اگه خردِلِ تیمِ اِندا ایمون دارین، توندِنی این توتِ دارِ بارین بِنه جِم بَکِندی بَووه و دریائه دِله دَکاشته بَووه، و شِمه دَستورِ اِطاعت کانده.

اعمال رَسولان 2:41

پَس اونایی که پطرسِ پِیغومِ قبول هاکاردِنه، تَعمید بَییتِنه. هَمون روز حدود سه هزار نَفِر، وِشونِ مِلحَق بَینه.

اعمال رَسولان 21:20

وِشون وَختی بِشنُسِنه، خِدا ره حمد و ثناء بااوتِنه. بعد پولُسِ بااوتِنه: «ای بِرار، هَمون طی که ویندی هزارون یَهودی ایمون بیاردِنه و همه شَریعتِ وِسه غیرت دارنِنه.

اعمال رَسولان 4:4

ولی یَته خَله از وِشون که پیغومِ بِشنُسه بینه، ایمون بیاردِنه و مَردا حدود پِنج هزار نَفِر بَینه.

رومی ایشون 15:19

وه اینِ نشونه ها و معجِزاتِ قِوَّتِ هِمراه، یعنی خِدائه روحِ قِوَّتِ هِمراه اِنجام هِدا، اون طی که اورشَلیمِ جِم تا «ایلیریکوم» بوردِمه و کاملاً مَسیحِ اِنجیلِ خِدمتِ اِنجام هِدامه.

یوحنایِ مکاشفه 11:15

بعد هَفتِمین فرشته شه شیپورِ دِله فوت هاکارده؛ و بِلندِ صِداهایی آسمونِ دِله دَپیته که گاتِنه: «دِنیائه پادشاهی، اَمه خِداوند و وه مَسیحِ شِنه. و وه تا اَبد و تا اَبد سلطِنت کانده.»