لوقا 13:17 - کتاب مقدس به زبان مازندرانی - گویش شرقی

¹⁷ عیسی وَختی اینِ بااوته، وه مخالِفون همه شَرمِنده بَینه، ولی تِموم جَمیِّت اون همه عجیب و پِر شِکوهِ کارائه جِم خِشالی کاردِنه.

مازندرانی

¹⁷ وقتی اینا رِه بائوته وِنه مخالِفون همگی شرمنده بَیینه اما مردِم همگی از اون همه کارهای تعجب آور وِ خِشحال بینه.

گیله ماز

¹⁷ عیسی وَختی اینه باگوته، اونه مُخالِفین همه شَرمَندِه هَبان، وَلی تمام اِزدِحام اون هَمه پُر شُکوه وعجیبِ کارانِ جی خُشحالی هَکُردَن.

کتاب مقدس به زبان مازندرانی - گویش غربی

¹⁷ عیسی وختی هَینِه بُتِه، وی مِخالِفِن هَمه شَرمَندِه بَوِنِه، ولی دِشتِه اِزدِحام هون هَمه پِرشکوه و عجیبِ کارایی جا خِشالی هاکِردِنِه.

لوقا 13:17 Iomraidhean Croise

لوقا 14:6

وِشون هیچ جِوابی نِداشتِنه هادِن.

لوقا 18:43

اون کورِ مَردیِ چِش دَرجا بَدیئه و هَمون طی که خِدا ره شکر کارده، عیسیِ دِمبال بُورده. وَختی تِمومِ مَردِم اینِ بَدینه، خِدا ره شکر هاکاردِنه.

لوقا 19:48

ولی شه کارِ وِسه هیچ راهی نَتونِسِنه پی دا هاکانِن، چوون تِمومِ مَردِم وه گَب بَزوئِنِ عاشق بینه.

لوقا 20:40

دییه هیچ کَس جِرأت نَکارده وه جِم سِئالی بَپِرسه.

اعمال رَسولان 4:21

شورائه آدِمون بعد از این که پِطرُس و یوحنا ره خَله تهدید هاکاردِنه، وِشونِ وِل هاکاردِنه چوون راهی پی دا نَکاردِنه تا وِشونِ مِجازات هاکانِن، چوون تِمومِ مَردِم اونچیِ وِسه که اتِّفاق دَکِته بییه، خِدا ره حمد و ثناء کاردِنه.

دوم تیموتائوس 3:9

ولی وِشون به جایی نَرِسِنِنه، چوون وِشونِ نادونی تِمومِ مَردِمِ وِسه دیار بونه، هَمون طی که اون دِ تا آدِمِ نادونی هم برمِلا بَییه.

تیتوس 2:8

و جوری دِرِس گَب بَزِن که نَووه عیبی اونِ سَر بییِلِّن، تا وَختی که مخالفون نَتونِن اَمه جِم بَدی ای پی دا هاکانِن، شرمنده بَووِن.

اول پِطرُس 3:16

شه وِجدانِ پاک دارین تا کِسایی که شِما ره تِهمت زَندِنه، کِسایی که شِمه خوارِ رفتارِ مَسیحِ دِله بد گاننه، شرمنده بَووِن.