لوقا 13:11 - کتاب مقدس به زبان مازندرانی - گویش شرقی

¹¹ اونجه یِتا زِنا دَییه که یِتا روح هیجده سال وه ره عَلیل هاکارده بییه. جُوری که وه پِشت قوز بَییه بییه و اصلِاً نَتونِسه راس اِیست هاکانه.

مازندرانی

¹¹ اونجه اتا زِنا دَییه که اتا روح بد وِ رِه هجده سال علیل هاکارده بی‌یِه. وِنه پشت غوض بَییه بِییه و هیچ جوری نَتونِسته راست هرِسته.

گیله ماز

¹¹ اوجِه ایتا زِنا دَبا که ایتا روح هیجدَه سال اونه علیل هَکُردهِ با، جوریکه قوز بیاردِه با و اَصلاَ نَتَّنِسِّه راس بیِیَسِه.

کتاب مقدس به زبان مازندرانی - گویش غربی

¹¹ اوجِه یَتِه زَنا دَوِه گه یَتِه روح هیجدَه سال وِرِه علیل هاکِرد وِه، جوریگه قوزِن بَوِه وِه و اَصلاََ نَتِنِسِه راس هِرِسِه.

لوقا 13:11 Iomraidhean Croise

اِنجیلِ مَتّی 4:23

عیسی تِمومِ جَلیلِ دِله گِردِسه، یَهودیونِ عبادتگاه دِله تَعلیم دائه، خِدائه پادشاهی ره اِعلام کارده و مَردِمِ مَرِض و ناخِشی ره شِفا دائه.

مَرقُس 9:21

عیسی ریکائه پییِرِ جِم بَپِرسیه: «چَن وَختِ این طیِ؟» جِواب هِدا: «از وَچِگی.

لوقا 13:12

وَختی عیسی وه ره بَدیئه، وه ره شه پَلی صدا هاکارده و بااوته: «ای زِنا، تِ شه این علیلیِ جِم آزاد بَئی!»

لوقا 13:16

پَس مگه نَوِسه این زِنا ره که ابراهیمِ کیجائه و شیطان هیجده سال وه ره اسیر هاکارده بییه ره شنبه روزِ دِله این بَندِ جِم آزاد هاکارد؟»

لوقا 21:28

وَختی این اتِّفاقا کَفِنه، راس اِیست هاکانین و شه سَرِ بالا بَیرین، چوون شِمه آزادی نَزیکِ!»

لوقا 8:2

و زَن هائه جِم چَن نَفِر که پلید اِرواح و مَریضیِ جِم شِفا بَییته بینه وه هِمراه دَینه: مریِم که وه ره مَجْدَلیّه هم گاتِنه، که عیسی هَفت تا دِو وه جِم بیرون هاکارده بییه،

لوقا 8:27

وَختی عیسی لَتکائه جِم پیاده بَییه، یِتا دِو بَزوِ مَردیِ هِمراه که اون شَهرِ اَهالی بییه، روب رو بَییه که خَله وَخت وه نا لِواس دَپوشی بییه و نا سِره دِله زندگی کارده، بلکه قَبرسونِ دِله موندِسه.

لوقا 8:43

اون میون، یِتا زِنا دَییه که دِوازدِه سال خونریزی داشته و [با اینکه تِموم شه دارایی ره طبیبونِ وِسه خرج هاکارده بییه،] هیچ کی نَتونِسه بییه وه ره مالجه هاکانه.

اعمال رَسولان 3:2

اون مووقه، چَن نَفِر، یِتا مَردی که مادرزادی چِلخ بییه ره، یاردِنه. وِشون وه ره هر روز اون مَعبِدِ دروازهِ پَلی که وه اسم ’قَشنگِ دروازه‘ بییه اییِشتِنه تا مَردِمِ که مَعبِدِ دِله شینهِ جِم، صَدِقه بَیره.

اعمال رَسولان 4:22

چوون اون مَردی ای که معجزه‌ِ هِمراه شِفا بَییته بییه، چهل سال ویشتر داشته.