لوقا 13:1 - کتاب مقدس به زبان مازندرانی - گویش شرقی

¹ هَمون مووقه، چَن نَفِر جَمیِّتِ دِله عیسی ره جلیلیونِ جِم خَوِر هِدانه که پیلاتُس وِشونِ، قِروونی هاکاردِنِ مووقه، قتلِ عام هاکارده بییه، جوری که وِشون خون، قِروونی هائه خونِ هِمراه قاطی بَییه بییه.

مازندرانی

¹ در همون زِمان چند نفر از حاضرین، درباره جلیلیانی با عیسی صحبِت هاکاردِنه که پیلاتُس فرماندار روم ویشون خون رِه با ویشون قربانیها خون قاطی هاکارده.

گیله ماز

¹ هَمون موقه، چَن نَفَر جَماعتِ دِلِه عیسی رِه جَلیلیانِ جی خَبِر هَدَن که پیلاتُس اوشانه قُربانی هَکُردَنِ موقه قَتل و عام هَکُردهِ با، جوریکه اوشانه خون قُربانی شانِ خونِ هَمرَه قاطی هَبا با.

کتاب مقدس به زبان مازندرانی - گویش غربی

¹ هَمون موقِه، چَن نَفَر جَماعتی دِلِه عیسی رِه جَلیلینی جا خَوَر هادانِه گه پیلاتُس وِشونِه قِروونی هاکِردَنی موقِه قَتلِ عام هاکِرد وِه، جوریگه وِشونی خون قِروونی ایشونی خونی هَمرا قاطی بَوِه وِه.

لوقا 13:1 Iomraidhean Croise

اِنجیلِ مَتّی 27:1

وَختی صِواحی بَییه، گَت گَتِ کاهِنون و قومِ مَشایِخ جَمع بَینه و مَشوِرَت هاکاردِنه که عیسی ره بَکوشِن.

اِنجیلِ مَتّی 27:2

بَعد اِز اون عیسی ره دَس دَوِسه بَوِردِنه و رومِ فَرموندار پیلاتُسِ، تَحویل هِدانه.

اعمال رَسولان 1:11

و بااوتِنه: «ای جلیلی مَردا، چه اِیست هاکاردینی و آسمونِ اِشِنِنی؟ همین عیسی که شِمه میونِ جِم آسِمونِ بالا بَوردِنه، اَی هم بَرگِردِنه، همین طی که بَدینی وه ره آسِمونِ بالا بَوردِنه.»

اعمال رَسولان 2:7

پَس بِهت و حیرتِ هِمراه گاتِنه: «مَگه اینا که گَب زَندِنه همه جَلیلی نینه؟

اعمال رَسولان 5:37

بعد از وه، یهودائه جلیلی سَرشِماریِ مووقه شورش هاکارده و یه دسه ره شه دِنبال بَکِشیه. ولی وه هم هِلاک بَییه و تِمومِ وه دِمبالِروا پَخش و پِلا بَینه.