لوقا 12:48 - کتاب مقدس به زبان مازندرانی - گویش شرقی

⁴⁸ ولی اونی که شه اَربابِ خواسه ره نَدونده و کاری کانده که تنبیهِ سِزاوارِ، کَمتِر مِجازات بونه. هر کی ره ویشتر هِدا بَووه، وه جِم ویشتر هم دَرخواس بونه؛ و هر کی ره که ویشتر بِسپارِسه بَووه، ویشتر هم وه جِم طَلِب بونه.

مازندرانی

⁴⁸ اما اون که شه اِرباب خاسّه رِه نَدونده و کاری کانده که سزاوار تنبیه هَسّه چویه کمتری خانه. هرکی رِه ویشتِر هاداهه بَووهه وِنجه ویشتِر هِم بِخاسّه وونه و هرکی مسؤلیتش ویشتِر بووشه ویشتِر جِواب پَس هاده.

گیله ماز

⁴⁸ وَلی اونیکه خودشه اَرباب خواسِّه رِه نِدانه و کاری کانه که تَنبیهِ سِزاوارِه، کَمتر مُجازات بونه. هر کی رِه بیشتر هَدِه هَبو اونه جی بیشتر هَم درخواس بونه، وَ هر کی رِه که بیشتر بِسپارِسِّه هَبو، بیشتر هم اونه جی طَلَب بونه.

کتاب مقدس به زبان مازندرانی - گویش غربی

⁴⁸ ولی اونیگه شی اَربابی خواسِّه رِه نَئونِّه و کاری کِنِّه گه تَنبیهی سِزاوارِ، کَمتر مِجازات وونِه. هر کسِ ویشتَر هادا بَوو ویجا ویشتَر هَم دَرخواس وونِه، و هر کسِ گه ویشتَر بِسپارِس بَوو، ویشتَر هَم ویجا طَلَب وونِه.

لوقا 12:48 Iomraidhean Croise

اِنجیلِ مَتّی 13:12

چوون اونی که دارنه ره ویشتَر هِدا بونه تا به فِراوونی داره، و اونی جِم که نِدارنه، حَتَّی اون چی که دارنه هَم بَییته بونه.

اِنجیلِ مَتّی 23:14

وای به حال شِما اِی توراتِ مَلِّمون وعُلِمائه فَریسیِ دِرو! شِما از طَرِفی بیوِه زَن هائه مالِ غارِت کاندینی و از طَرِفی دییه ظاهر سازیِ وِسه شه دِعا ره دِرازتر کاندینی. اینِ وِسه شِمه مِکافات خَله سَخت تِرِ.

لوقا 12:41

پِطرُس بَپِرسیه: «آقا، این مَثِلِ اَمه وِسه بیاردی یا همهِ وِسه؟»

لوقا 12:49

«مِن بییَمومه تا زِمینِ تَش بَکِشِم، ای کاش که تا اَلان تَش بَییته بییه!

لوقا 16:2

مِواشِرِ شه پلی صدا هاکارده و بَپِرسیه: ”این چیه تِ خَوِری اِشنُمبه؟ مِ هِمراه حِساب کِتاب هاکان، دییه نَتوندی مِ مِواشر بوئی.“

اِنجیلِ یوحنا 15:22

اگه نییَمو بیمه و وِشونِ هِمراه گَب نَزو بیمه، گِناه نِداشتِنه؛ ولی اَلان دییه شه گِناهونِ وِسه عذر و بهونه ای نِدارنِنه.

اعمال رَسولان 17:30

قَدیم، خِدا این طی نادونیِ جِم چِش پوشی کارده. ولی اَلان تِمومِ مَردِمِ، اِسا هر جا که دَرِنه ره دستور دِنه که توبه هاکانِن.

اول تیموتائوس 1:11

اون تعلیمی که مِوارکِ خِدائه پر جِلالِ اِنجیلِ مطابقِ، که مِ ره بِسپارِسه بَییه.

اول تیموتائوس 1:13

با اینکه قبلاً، کفر گاتِمه و عِذاب دامه و توهین کاردِمه، ولی مِ ره رَحم بَییه، چوون بی‌ایمونیِ دِله نادونی کاردِمه.

اول تیموتائوس 6:20

ای تیموتائوس، اون اَمانتی که تِ ره بِسپارِسه بَییه ره حِفظ هاکان. مِفتِ گَب هائه جِم و مخالفِ فکرایی جِم که اشتباهاً، معرفت بااوته بونه، دوری هاکان؛

تیتوس 1:3

و خوار مووقه، اون وَعده دیار بَییه، اون کلامِ دِله که اونِ اِعلام اَمه نِجات​دهنده خِدائه حِکمِ هِمراه مِ ره بِسپارِسه بَییه،

یعقوبِ نامه 3:1

مِ بِرارون، نَکِنه شِمه جِم خَیلیا خِدائه کِلامِ مَلِّم بَیِّنِ دِمبال دَووِن، چوون دوندِنی که اِما مَلِّمونِ وِسه، داوِری سخت‌تِر بونه.