لوقا 12:45 - کتاب مقدس به زبان مازندرانی - گویش شرقی

⁴⁵ ولی اگه اون نوکِر شه پَلی باره ”مِ اَربابِ بییَموئِن دیر بَییه،“ نوکِرون و کُلفِتونِ اَذیّت آزار هاکانه، و بَخُره و بَنوشه و عیاشی هاکانه،

مازندرانی

⁴⁵ اما اگه اون غلام شه پَلی فکر هاکانه که وِنه اِرباب دیر هاکارده، و شِروع هاکانه به اذیت و آزار خادِمون و بَخاردِن و عرق خاری هاکاردن

گیله ماز

⁴⁵ وَلی اَگه اون پاکار خودشه وَر باگو ”می اَرباب وَگرِسَّن دیر هَبا،“ پاکاران و کُلفَتانِ اَذیَت و آزار هَکونه و بُخارِه و بَنوشِه و عیاشی هَکونه،

کتاب مقدس به زبان مازندرانی - گویش غربی

⁴⁵ ولی اگه هون نوکَر شی وَر بُئِه ”می اَربابی بیموئَن دیر بَوِه،“ نوکَرِن و کِلفَتِنِ اَذیَت و آزار هاکِنِه و بَخارِه و بَنوشِه و عیاشی هاکِنِه،

لوقا 12:45 Iomraidhean Croise

اِنجیلِ مَتّی 22:6

بَقیه هم، پادشاهِ نوکِرونِ بَییتِنه و بی حِرمتی هاکاردِنه و وِشونِ بَکوشتِنه.

لوقا 12:44

حَییقتِاً شِما ره گامبه تِمومِ شه دارایی ره وه دَس دِنه.

لوقا 12:46

وه اَرباب روزی که اِنتظار نِدارنه و ساعِتی که وه جِم باخَوِر نییه، اِنه و وه ره دِ شَقّه کانده و جایی فِرسِندِنه که خیانتکارونِ بَفرِسیه.

لوقا 21:34

«هوشیار بوئین، نَکِنه عیش و نوش و مَستی و زندگیِ نِگرونی، شِمه دِلِ سَخت هاکانه و اون روز یهویی تَله دَکِفین.

اِنجیلِ یوحنا 2:10

و وه ره بااوته: «همه اَوِّل خوارِ شِرابِ هِمراه پذیرایی کاندنه و وَختی مهمونون مَست بَینه، بَدِ شِراب یارنِنه؛ ولی تِ خوارِ شِرابِ تا اَلان داشتی!»

اعمال رَسولان 2:18

اون روزا، حَتَّی شه نوکِرون و کُلفِتونِ وِسه، شه روحِ جِم شَندِمبه و وِشون، نبِوّت کاندنه.

رومی ایشون 16:18

چوون این‌طی آدِمون اَمه خِداوند مَسیحِ، خِدمِت نَکاندِنه، بلکه شه اِشکمِ سیر هاکاردِنِ دِمبال دَرِنه و قَشنگِ گَب ها و چاپلوسیِ هِمراه ساده آدِمونِ گول زَندِنه.

دوّمین نامه قرنتیانِ وَسین 11:20

چوون که اگه یه نَفِر شِما ره شه نوکِر هاکانه، یا شِما ره بِبلعه یا شِمه جِم سوءاستفاده هاکانه، یا شِما ره شه جِم سَرتر بَدونه، یا شِمه دیمِ چک بَزِنه، تِحَمُّل کاندینی.

اوّل تِسالونیکیان 5:7

چوون اونایی که خواسِنِنه، شو خواسِنِنه، و اونایی که مَس کاندِنه، شو مَس کاندِنه.

پطرسی دِوّمین نامِه 2:13

و اون بدیِ عَوِض که هاکاردِنه، بدی ویندِنه. وِشونِ خِشی، رووشنِ روزِ دِله، عیش و نوش هاکاردِنه. وِشون کثیفِ لکه‌هایینه که شِمه هِمراه مهمونی اِنِنه، گول بَزوئِنِ جِم کیف کاندِنه و اونِ جِم دَس نَکِشِنِنه.

پطرسی دِوّمین نامِه 2:19

وِشونِ، آزادیِ وَعده ره دِنِنه، ولی شه وِشون فِسادِ نوکِرِنه، چوون هر چی که آدِمِ سَر سِوارِ، آدِمی اونِ نوکر بونه.

یوحنایِ مکاشفه 16:6

چوون که وِشون مِقدّسین و پِیغَمبِرونِ خونِ دَشِندینه، و تِ وِشونِ، خون هِدایی تا بَنوشِن این اون چیِ که وِشونِ حَقِّ!»

یوحنایِ مکاشفه 18:24

وه دَس، مِقدَّسین و پِیغَمبِرونِ خون، و تِمومِ اونایی که زِمینِ سَر بَکوشته بَینهِ خونِ هِمراه آلوده بییه.»