لوقا 12:36 - کتاب مقدس به زبان مازندرانی - گویش شرقی

³⁶ اونایی واری بوئین که اِنتِظار کَشِنِنه وِشونِ اَرباب آروسیِ جشنِ جِم بَردَگِرده، تا وَختی راهِ جِم رِسِنه و در زَنده، دَرجا دَرِ وه وِسه واز هاکانِن.

مازندرانی

³⁶ مثلِ کسانی بوشین که منتظرنه ویشونه سرور عروسی جه بَر دَگِرده، تا وقتی راه جه بَرِسییِه و در رِه بَزو سریع دَر رِ واز هاکانه.

گیله ماز

³⁶ اوشانه مِثان هَبین که انتظار کَشِنَن اوشانه اَرباب عَروسیِ یِه جَشنِ جی وَگِرده، تا وَختی راهِ جی رَسِنه و دَر زَنه، دَرجا دَرِ اونه وَسین واز هَکُنَن.

کتاب مقدس به زبان مازندرانی - گویش غربی

³⁶ اونانی تَرا ووئین گه اِنتظار کَشِنِنِه وِشونی اَرباب عَروسی ای جَشنی جا دَگِردِه، تا وختی راهی جا رَسِنِه و دَر زَنِّه، دَرجا دَرِ ویسِه پِه هاکِنِن.

لوقا 12:36 Iomraidhean Croise

لوقا 12:35

«شه کَمِرِ دَوِندین و خِدمِتِ وِسه آماده بوئین و شه لَمپا ره رووشِن دارین.

لوقا 12:37

خِش به حال نوکِرونی که وَختی وِشونِ اَرباب بَرگِردِنه، وِشونِ بیدار و هوشیار بَوینه. حَییقَتِاً، شِما ره گامبه، وه شه خِدمِت هاکاردِنِ لِواسِ پوشِنه؛ و وِشونِ سِفره سَر نیشِندِنه و اِنه وِشونِ جِم پذیرایی کانده.

یوحنایِ مکاشفه 19:7

بِئین ذوق هاکانیم و خِشال بوئیم، و وه ره جِلال هادیم، چوون اون وَره ئه آروسیِ مووقه بَرِسیه، و وه آروس شه ره آماده هاکارده؛

یوحنایِ مکاشفه 3:20

هارِش درِ پِشت اِیست هاکارده و دَره دَر زَمبه. اَگه کِسی مِ صِدا ره بِشنُئه و دَرِ مِ وِسه واز هاکانه، دِله اِمبه و وه هِمراه شوم خارمه و وه هم مِ هِمراه.