لوقا 12:26 - کتاب مقدس به زبان مازندرانی - گویش شرقی

²⁶ پَس، اگه این کِچیکِ کارِ نَتوندِنی هاکانین، چه کارائه دییهِ وِسه نَگَرونِنی؟

مازندرانی

²⁶ پس اگه شِما کار به این کوچیکی رِه نَتونی انجام حادین، چِهیسته ناراحتِ بقیه هَستینی؟

گیله ماز

²⁶ پَس، اَگه این کوچِ کارِ نَتَّنید هَکُنید، چیه وَسین دیگَر کارانِ نِگَرانید؟

کتاب مقدس به زبان مازندرانی - گویش غربی

²⁶ پَس، اگه هَین کِچیکِ کارِ نَتِنِّنی هاکِنین، چیسِه دییَر کارایی نِگَرونِنی؟

لوقا 12:26 Iomraidhean Croise

اِنجیلِ مَتّی 6:25

«پَس شِما ره گامبه: شه زندِگیِ وِسه نِگرون نَبوئین، كه چی بَخُرین و چی بَنوشین و نا شه تَنِ وِسه كه چی دَپوشین، چوون زندِگی خِراکِ جِم و تَن، جِمِهِ جِم با اَرزِش تَرِه.

لوقا 12:25

کی شِمه میون تونده نِگَرونیِ هِمراه، یِتا ذِره شه عمرِ زیاد هاکانه

لوقا 12:27

سوسنا ره هارِشین چی طی سَر کَشِنِنه؛ نا زَحمِت کَشِنِنه و نا ریسِنِنه. شِما ره گامبه حَتَّی سِلیمونِ پادشاه هم تِمومِ شِکوه و جِلالِ هِمراه، یِتا وِشونِ واری هم بَزِک نَییه.

لوقا 12:29

پَس اینِ دِمبالِ دَنی بوئین که چی بَخُرین یا چی دَپوشین؛ اینائه نِگَرون نَبوئین.

اول پِطرُس 5:7

تِمومِ شه دِلواپسی ها ره وه ره بِسپارین چوون وه شِمه فکر دَره.