لوقا 11:8 - کتاب مقدس به زبان مازندرانی - گویش شرقی

⁸ شِما ره گامبه، حَتَّی اگه ‌شه رَفِقِ وِسه بِلند نَووه و وه ره نون نَده، وه اصرارِ خاطِری بِلِند بونه و هر چی نیاز دارنه ره وه ره دِنه.

مازندرانی

⁸ شِما رِه گامبه اگه به‌خاطر شه رفق راست نَووشه و وِ رِه نون نده به خاطر سماجتِ وِ راست وونه و هر چی نیاز دانّه وِ رِه دِنه.

گیله ماز

⁸ شِمِره گونَم حتّی اگه رِفاقتِ وَسین وَنَرسِه و اونه نان نَدِه، اونه اِصرارِ خاطِری وَرِسِنه و هر چی نیاز بِداره اونه دَنِه.

کتاب مقدس به زبان مازندرانی - گویش غربی

⁸ شِمارِ گِمِه حتّی اگه شی رَفِقی سِه نِرِسِه و وِرِه نون نَدِه، وی اِصراری خاطری اِرِسِنِه و هر چی نیاز دارنِه رِه وِرِه دِنِه.

لوقا 11:8 Iomraidhean Croise

لوقا 11:7

وه سِرهِ دِله، جِواب هاده: ”مِ ره زَحمِت نَده. در کِلیتِ، و مِ وَچون مِ هِمراه لا دِله دَرِنه. نتومبه لائه جِم پِرِسِم و یه چی تِ ره هادِم.“

رومی ایشون 15:30

ای بِرارون، اَمه خِداوند عیسی مَسیح و روح القُدُسِ مِحبّتِ خاطِری، شِمه جِم خواهش کامبه، که خِدائه پَلی هَمش مِ وِسه دِعا هاکانین، و این کارِ هِمراه مِ خِدمتِ دِله شَریک بوئین.

دوّمین نامه قرنتیانِ وَسین 12:8

سه کَش این جَریانِ وِسه خِداوندِ جِم خواهش هاکاردِمه اونِ مِ جِم بَیره،

کولُسیان 2:1

خوامبه بَدونین که شِمه وِسه و اونایی وِسه که لائودیکیهِ مَنطقهِ دِله دَرِنه، و تِمومِ اونایی وِسه که مِ ره نَدینه، چی طی تَقِلّا کامبه،

کولُسیان 4:12

اِپافْراس که یِتا از شِما و مَسیحْ عیسیِ نوکرِ، شِمه وِسه سِلام دارنه. وه هَمِش دِعائه دِله خِدائه جِم خوانه که شِما اون آدِمونِ واری که بالغ و خاطِر جمع هَسِنه، پا بر جا بَمونین، و خِدائه ارادهِ جِم کاملاً اِطاعت هاکانین.