لوقا 11:51 - کتاب مقدس به زبان مازندرانی - گویش شرقی

⁵¹ هابیلِ خونِ جِم تا زَکِریا که وه خونِ قِروونگاه و مِحرابِ میون دَشِندینه. اَره، شِما ره گامبه که این نَسل تِمومِ اینائه وِسه حِساب پَس دِنه.

مازندرانی

⁵¹ از خون هابیل تا خون زِکریا که میون قربانگاه و محراب معبد کشته بَییه. اَره شما ره گامبه که این نسل برای اینا همه حساب پس دِنه.

گیله ماز

⁵¹ هابیلِ خونِ جی بَگیر تا زَكَریا که اونه خونِ قربانگاه و مِحرابِ میَن بَریختِن. آرِه، شِمِره گونَم این نسل تمام ایشانِ وَسین حِساب پس دَنِه.

کتاب مقدس به زبان مازندرانی - گویش غربی

⁵¹ هابیلی خونی جا تا زَكَریا گه وی خونِ قروونگاه و مِحرابی میِن بَریختِنِه. اَرِه، شِمارِ گِمِه هَین نَسل دِشتِه هَینِنی سِه حِساب پس دِنِه.

لوقا 11:51 Iomraidhean Croise

اِنجیلِ مَتّی 23:35

پَس بی گِناهِ مَردِمِ خون که دَشِندی بَییه، اَز صالحِ هابیل بَیر تا زَكریا، بَرخیائه ریکا، که وه ره مَعبِدِ دِله، قِروونگاه و عِبادَتگاهِ میون بَکوشتینی، شِمه گَردِن دَره

نامِه مَسیحینی عبرانی نِژادی سِه 11:4

ایمونِ هِمراه بییه که هابیل، قِروونی ای پیشکش هاکارده که قائِنِ قروونیِ جِم ویشتر قبول بَییه که این وِسه وه خَوِری گِواهی هِدا. که وه صالحِ. خِدا وه هَدیه هائه قبول هاکاردِنِ هِمراه وه خَوِری شهادت هِدا. و هر چَن وه بَمِرده، ایمونِ خاطری هَمتی گَب زَنده.

نامِه مَسیحینی عبرانی نِژادی سِه 12:24

و عیسی که یِتا جدیدِ عَهدِ واسطه ئه، و اون دَپاشیه خون که هابیلِ خونِ جِم بهتِرِ، گَب زَنده.

اوّل یوحنا 3:12

اِما نَوِسه قائنِ واری بوئیم، هَمون که اون شَریرِ جِم بییه و شه بِرارِ بَکوشته. و، چه وه ره بَکوشته؟ چوون وه اعمال بَد بییه و وه بِرارِ اعمال دِرِس بییه.