لوقا 11:34 - کتاب مقدس به زبان مازندرانی - گویش شرقی

³⁴ تِ چش، تِ تَنِ لمپائه. اگه تِ چِش سالم بوئه، تِموم تِ وجود رووشن بونه. ولی اگه تِ چِش فاسد بوئه، تِموم تِ وجودِ تاریکی گِرنه.

مازندرانی

³⁴ ته چش ته چراغ بدن هَسّه. اگه ته چش سالم بوئه تِمومِ ته وجودِ روشن وونه. اما اگه ته چش نوینه تِمومِ ته وجودِ رِه تاریکی گِننه.

گیله ماز

³⁴ تی چِشم، تی تنِ لمپایه. اَگه تی چِشم سالِم هَبو، تمام تی وجود روشن بونه. وَلی اَگه تی چِشم فاسِد هَبو، تمام تی وجودِ ظُلَمات گیرنِه.

کتاب مقدس به زبان مازندرانی - گویش غربی

³⁴ تی چِش، تی تَنی لَمپائِه. اگه تی چِش سالِم ووئِه، دِشتِه تی وِجود روشِن وونِه. ولی اگه تی چِش فاسِد ووئِه، دِشتِه تی وجودِ تاریکی گیرنِه.

لوقا 11:34 Iomraidhean Croise

مَرقُس 4:12

تا: «حَییقَتاً بَوینِن، ولی نِفَهمِن، حَییقَتاً بشنُئِن، ولی وِشونِ حالی نَووه، تا نَکِنه بَردَگِردِن و آمِرزیده بَووِن!“

مَرقُس 7:22

طِمَع، شِرارَت، حیله، هرزگی، حَسودی، تِهمَت، غرور و نِفَهمی بیرون اِنه.

مَرقُس 8:18

چش دارنِنی و نَویندِنی؟ گوش دارنِنی و نِشنُنِنی؟ مگه یاد هاکاردینی؟

لوقا 11:35

مواظب باش، نکنه اون نُوری که تِ دِله دَره، تاریکی بوئه.

اعمال رَسولان 13:11

بَدون که خِداوندِ دَس، تِ بَزوئِنِ وِسه تِ سَرِ وَر دَره. اِسا کور بونی و تا چَن وَخت اِفتابِ نَویندی.» دَرجا، وه چِشا تیره و تار بَییه، شه دور چَرخ گِته و یه نَفِرِ دِمبال گِردِسه که وه دَسِ بَیره و راهِ وه ره سِراغ هاده.

اعمال رَسولان 2:46

وِشون هر روز، مَعبِدِ دِله جَمع بونِسِنه و هَمدییه هِمراه شه سِره دِله نونِ تیکه کاردِنه و خِشی و ساده دِلِ هِمراه غِذا خاردِنه

اعمال رَسولان 26:18

تا وِشونِ چِشا ره واز هاکانی جوری که تاریکیِ جِم نورِ سَمت، و شیطانِ قِدرَتِ جِم، خِدائه سَمت بَردَگِردِن، تا وِشونِ گِناهون بیامِرزی بَووه و ایمونِ خاطری،که مِ ره دارنِنه، مِقدَّسینِ برکات دِله سهمی دارِن.“

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.

دوّمین نامه قرنتیانِ وَسین 11:3

ولی تَرسِمبه هَمون‌ طی که مَر، حوا ره گول بَزو، شِمه فکر هم، صاف و صادقی و خالِصی ای که مَسیحِ دارنِنیِ جِم منحرف بَووه.

دوّمین نامه قرنتیانِ وَسین 4:4

این دِنیائه خِدا، بی ایمونونِ فکرها ره کور هاکارده تا مَسیحِ جِلالِ انجیلِ نورِ، که خِدائه دیمِ ره نَوینِن.

اِفِسُسیان 1:17

تا اَمه خِداوند عیسی مَسیحِ خِدا، اون پِرجلالِ پییِر، حِکمت و مکاشفهِ روحِ شِما ره هاده تا وه ره بِشناسین،

اِفِسُسیان 6:5

اِی نوکِرون، شه زِمینی اَربابونِ تَرسِ لرزِ هِمراه و جان و دِل هِمراه، اِطاعت هاکانین، هَمون طی که اِنگار مَسیح ره اِطاعت کاندینی.

کولُسیان 3:22

ای نوکِرون، هر چیِ دِله شه زمینی اَربابونِ جِم اِطاعت هاکانین، نا فِقَط اون مووقه که دَره شِما ره اِشِنِنه، اون آدِمونِ واری که اینِ دِمبال دَرِنه که مَردِمِ راضی هاکانِن، بلکه پاکِ دلِ هِمراه و خِداوندِ تَرسِ هِمراه.