لوقا 11:32 - کتاب مقدس به زبان مازندرانی - گویش شرقی

³² نینوائه مَردِم، داوِری روز این نَسلِ هِمراه حِرِسِنِنه و وِشونِ مَحکوم کاندِنه، چوون وِشون یونسِ موعظهِ خاطِری توبه هاکاردِنه، و اِسا اونی که اینجه دَره یونِسِ جِم گَت تِرِ.

مازندرانی

³² مردِم نینوا در روز جزا با این نسل مِرده‌هاجه راست وونه و ویشونه محکوم کانّه، اینِسّه که اونا در اثر موعظۀ یونس پیغمبر توبه هاکاردِنه و اِسّا کسی گَتتِر از یونس پیغمبر اینجه دَره.

گیله ماز

³² نینوایِ مَردُم داوَری یه روز این نَسلِ هَمرَه وَرِسِنَن و اوشانه مَحکوم کانَن، چونکه اوشان یونِسِ موعظِه یه خاطِری توبِه هَکُردَن، اَسِه اونیکه ایجه دَرِه یونِسِ جی گَتِ تَرِه.

کتاب مقدس به زبان مازندرانی - گویش غربی

³² نینوایی مَردِن داوَری روز هَین نَسلی هَمرا اِرِسِنِنِه و وِشونِه مَحکوم کِنِنِه، چون وِشون یونِسی موعظِه ای خاطری توبِه هاکِردِنِه، اِسا اونیگه ایجِه دَرِه یونِسی جا گَت تَرِ.

لوقا 11:32 Iomraidhean Croise

اِنجیلِ مَتّی 12:39

ولی عیسی جِواب هِدا: «شَریر و زِناکارِ قوم یِتا نِشونه خوانِنه ولی تینا نِشونی كه وِشونِ هِدا بونه، یونسِ پِیغَمبِرِ نِشونه.

اِنجیلِ مَتّی 12:41

داوِریِ روز، نینوائه مَردِم، این نَسلِ هِمراه بِلِند بونِنه و این نَسلِ مَحکوم کاندِنه، چوون نینوائه مَردِم وَختی یونسِ سِخَنوَری ره بِشنُسِنه، تووبه هاکاردِنه، اِسا اونی كه اینجه دَره، یونسِ جِم گَت تِرِ.

لوقا 11:31

داوِریِ روز، جِنوبِ مَلِکه، این نَسلِ هِمراه حِرِسِنه و وِشونِ مَحکوم کانده، چوون وه، دِنیائه اون سَرِ جِم بییَمو تا سِلیمونِ حِکمَتِ بِشنُئه، اِسا اونی که اینجه دَره سِلیمونِ جِم گَت تِرِ.

نامِه مَسیحینی عبرانی نِژادی سِه 7:26

چوون راس راسی این به جا بییه که اِما این طی کاهِنِ اَعظِم داریم، که مِقدّس، بی گِناه، بی‌عیب، گناهکارونِ جِم سیوا، و جِلال بَییته، آسمونونِ جِم بالاترِ.