لوقا 10:7 - کتاب مقدس به زبان مازندرانی - گویش شرقی

⁷ اون سِره دِله بَمونین و هر چی شِمه پَلی بییِشتِنه، بَخُرین و بَنوشین، چوون کارگر شه دَسمِزِ مِستَحَقِ. این سِره اون سِره نَکِنین.

مازندرانی

⁷ اون سِره دِله بَمونین و هر چی شِما رِه هادانه بخورین اینِسّه که کارگر مستحق شه حقوق هَسّه. از این سِره به سِره دیگه نَشویین.

گیله ماز

⁷ اون سِرِه یه دِلِه بِمانید و هر چی شِیمی پیش بَنَن، بُخارین و بَنوشین، چونکه كارگَر خودشه مُزدِ مُستَحَقِ. این سِرِه اون سِرِه نَکنین.

کتاب مقدس به زبان مازندرانی - گویش غربی

⁷ هون خِنِه ای دِلِه بَمونین و هر چی شِمِه پِش بِشتِنِه، بَخارین و بَنوشین، چون كارگَر شی دَسمِزِ مِستَحَقِ. هین خِنِه هون خِنِه نَکِنین.

لوقا 10:7 Iomraidhean Croise

مَرقُس 6:10

عیسی اَی هم وِشونِ بااوته وَختی یِتا سِره دِله شونِنی تا وَختی اون مَحَلِ دِله دَرِنی، اون سِره دِله بَمونین.

لوقا 10:6

اگه اون سِره دِله کِسی صِلح و سِلامِ اَهل بوئه، شِمه صِلح و سِلام وه سَر موندِنه؛ وگرنه، شه شِما ره بَرگِردِنه.

لوقا 9:4

هر سِره ای که دِله بُوردینی، تا وَختی اون مَحلِ جِم نَشینی اون سِره دِله بَمونین.

اعمال رَسولان 16:15

وَختی لیدیه شه خانِواده هِمراه غسلِ تَعمید بَییته، خَله اِصرار هاکارده و اِما ره بااوته: «اگه باوِر دارنِنی که خِداوندِ ایمون بیاردِمه، بِئین و مِ سِره دِله بَمونین.» سَرآخِر وه خواسهِ تَسلیم بَیمی.

اعمال رَسولان 16:34

وه وِشونِ شه سِره بَوِرده و وِشونِ وِسه سِفره پهن هاکارده. وه و تِمومِ وه خانِواده اینِ جِم که خِدا ره ایمون بیارده بینه خَله خِشال بینه.

اعمال رَسولان 16:40

وِشون بعد از این که زِندونِ جِم بیرون بوردِنه، لیدیهِ سِره بُوردِنه. اونجه، بِرارونِ بَدینه و وِشونِ تَشویق هاکاردِنه. بعد اونجه جِم بوردِنه.

غَلاطیان 6:6

اونی که خِدائه کِلامِ جِم تَعلیم گِرنه، وِنه تِمومِ خوارِ چیا ره اونِ هِمراه که وه ره تَعلیم دِنه، شَریک بَووه.

اول تیموتائوس 5:13

به علاوه، وِشون تَنبلی ره یاد گِرنِنه، این سِره اون سِره شونِنه؛ نا فِقَط تنبلی، بلکه تِتِک بتِک گر و فضولِ بونِنه، و اون چیایی که نَوِسه بارِنِ گانِنه.

دوم تیموتائوس 2:6

اون کشاورزی که سَخت کار کانده، وِنه اَوِّلین نَفِر بوئه که شه مَحصولِ جِم بَهره بَوِره.