لوقا 10:31 - کتاب مقدس به زبان مازندرانی - گویش شرقی

³¹ اتفاقاً مَعبدِ یِتا کاهِن اونجه جِم رَد بونِسه. ولی وَختی وه چِش اون مَردی ره بَخُرده، شه راه ره وَل هاکارده و راهِ اون دَسِ جِم بُورده.

مازندرانی

³¹ از قضا کاهنی از همون راه رد بییه. اما وقتی وِنه چش به اون مردی دَکَته شه راه رِه کج هاکارده و اتا سمت دیگه جه بورده.

گیله ماز

³¹ از قَضا مَعبَدِ ایتا کاهِن اوجِه یِه جی رَد بونِه با. وَلی وَختی اونه چِش اون مَردَای رِه بُخاردِه، خودشه راه رِه وَل هَکُردِه و راهِ اون دَسِّ جی بَشَه.

کتاب مقدس به زبان مازندرانی - گویش غربی

³¹ از قَضا مَعبَدی یَتِه کاهِن اوجِه رِه رَد وونِسِه. ولی وختی وی چِش هون مَردی رِه بَخاردِه، شی راهِ وَل هاکِردِه و راهی اون دَسی جا بوردِه.

لوقا 10:31 Iomraidhean Croise

لوقا 10:30

عیسی وه جِواب بااوته: «یِتا مَردی اورشَلیمِ جِم اَریحائه شَهر شیه. راه دِله راهزِنونِ دَس دَکِته. وِشون وه ره لِخت هاکاردِنه، کُتِک بَزونه، و وه ره نیمه‌جان وِل هاکاردِنه و بُوردِنه.

لوقا 10:32

همین طی هم مَعبِدِ یِتا خادِم هَم اونجه جِم رَد بونِسه. وَختی اونجه بَرِسیه و اون مَردی ره بَدیئه، شه راه ره وَل هاکارده و راهِ اون دَسِ جِم بُورده.