لوقا 10:14 - کتاب مقدس به زبان مازندرانی - گویش شرقی

¹⁴ ولی داوِریِ روز، مِجازاتِ تِحَمُّل، صور و صیدونِ وِسه راحت تِرِ تا شِمه وِسه.

مازندرانی

¹⁴ اما در روز جزا تحمل مجازات، برای صور و صیدون آسونتر هَسّه تا شِمِسته.

گیله ماز

¹⁴ وَلی داوَری روز، مُجازات تَحَمل، صور و صیدونِ وَسین راحَت تَرِه تا شِمِرِه.

کتاب مقدس به زبان مازندرانی - گویش غربی

¹⁴ ولی داوَری روز، مِجازاتی تَحَمِل صور و صیدونی سِه راحَت تَرِ تا شِمِنِه.

لوقا 10:14 Iomraidhean Croise

اِنجیلِ مَتّی 10:15

حَییقتاً شِما ره گامبه قیامِتِ روز، سُدوم و غُمورَّهِ شَهرِ وَضع که خِدا، تَشِ هِمراه اونا ره از بین بَوِرده اون شَهرِ جِم خوارتِرِ.

اِنجیلِ مَتّی 11:21

بااوته:«وای بَر تِ اِی خورازین شَهر، وای بَر تِ اِی بیت‌صیدائه شَهر! اَگه معجِزِه هایی كه شِمه دِله اِنجام بَییه صور و صیدونِ شهرائه دِله اِنجام بونِسه، خَله قبل اَز این، پلاس‌ دَپوشیه و سَر تیل دَوِسه، تووبه کاردِنه.

اِنجیلِ یوحنا 3:19

و مَحکومیت اینِ که نور دِنیائه دِله بییَمو، ولی مَردِم تاریکی ره نُورِ جِم ویشتر دوس داشتِنه، چوون وِشونِ اَعمال بَد بییه.

رومی ایشون 2:1

پَس تِ ای آدِمی که یه نَفِر دییه ره قِضاوت کاندی، هر کی که بوئی هیچ عذرِ بهونه ای نِدارنی. چوون وَختی که یه نَفِر دییه ره قِضاوِت کاندی، شه ره مَحکوم هاکاردی؛ چوون تِ، اِی که قِضاوِت کاندی، شه هَمون کارِ کاندی.

رومی ایشون 2:27

پَس اونی که جسماً خَتنه نَییه، ولی شَریعتِ به جا یارنه، تِ ره مَحکوم کانده تِ ره که هم شَریعتِ بَنوِشته اَحکامِ دارنی و هم خَتنه ره دارنی، ولی خِدائه شَریعتِ اِشکِنی.