لوقا 1:80 - کتاب مقدس به زبان مازندرانی - گویش شرقی

⁸⁰ و اون وَچه گَت بونِسه و روحِ دِله، قَوی بونِسه، و تا روزی که خواسه اِسرائیلِ قومِ ظاهر بَووه، صَحرائه دِله به‌سَر وَرده.

مازندرانی

⁸⁰ و امّا اون وَچه رشد کارده و در روح قوی بی‌یِه و تا روز ظهورش بر قوم اسرائیل در بیابون به‌سر وَرده.

گیله ماز

⁸⁰ اون وَچِه گَتِ بونِه با و در روح رَسدار بونِه با، وَ تا روزی كه خَسِّه اِسرائیل ظاهِر هَبو، صَحرایِ دِلِه به سَر بَرنِه با.

کتاب مقدس به زبان مازندرانی - گویش غربی

⁸⁰ هون وَچِه گَت وونِسِه و روحی دِلِه قَوی وونِسِه، و تا روزی گه خوایسِه اِسرائیلی قومِ ظاهِر بَوو، صَحرایی دِلِه بِسَر وَردِه.

لوقا 1:80 Iomraidhean Croise

اِنجیلِ مَتّی 11:7

وَختی یحییِ شاگِردون اونجه جِم، شینه، عیسی یحییِ خَوِری وِشونِ هِمراه که اونجه دَینه شِروع به گَب بَزوئِن هاکارده و بااوته: «چیِ بَدیئِنِ وِسه صَحرائه دِله بُوردینی؟ لَلِهِ بَدیئِنِ وِسه بوردینی كه هر وائه جِم لَرزِنه؟

اِنجیلِ مَتّی 3:1

اون روزا یَحییِ تَعمید ‌دَهنده یَهودیهِ صَحرائه دِله اییَمو و تَعلیم دائه،

لوقا 1:15

چوون وه خِداوندِ نَظِر، گَتِ مَردی بونه. یحیی نَووِسه هیچ وَخت، شِراب یا عَرِقِ تِک بَزِنه. حَتَّی وه شه مارِ اِشکِمِ دِله، روح‌القدسِ جِم پِر بونه،

لوقا 2:40

اون وَچه گَت و قوی بونِسه. وه حِکمتِ جِم پِر بییه و خِدائه فِیض وه هِمراه دَییه.

لوقا 2:52

عیسی حِکمت و قامتِ دِله گَت بونِسه، هم خِدائه پَلی و هم مَردِمِ پَلی محبوب بییه.

اِنجیلِ یوحنا 1:31

مِن شه هم وه ره نِشناسیمه، ولی اینِ وِسه بییَمومه و اوهِ هِمراه تَعمید هِدامه که وه، اِسرائیلِ قومِ ظاهر بَووه.»

اعمال رَسولان 18:28

چوون همهِ چِشِ پَلی یَهودیونِ هِمراه بَحث کارده و وِشونِ عقایدِ قِوَّتِ هِمراه رَد کارده، و مِقَدَّسِ نوِشته هائه هِمراه ثابت کارده که مَسیحِ موعود هَمون عیسیِ.