لوقا 1:29 - کتاب مقدس به زبان مازندرانی - گویش شرقی

²⁹ ولی مریِم وَختی وه گَبِ بِشنُسه خَله پریشون بَییه و شه هِمراه کَلِنجار شیه تا بِفَهمه این چی طی سِلامیِ.

مازندرانی

²⁹ مریم با بِشناسِّنه وِنه حرف پریشون بَییه، شه پَلی فکر هاکارده که این چه جور سِلامی هسته.

گیله ماز

²⁹ وَلی وَختی مریم اونه گَبِ بشنَوِسِّه خِیلی پریشان هَبا و خودشه هَمرَه کَلَنجار شونِه با تا بِفَهمِه این چِجور سَلامیِه.

کتاب مقدس به زبان مازندرانی - گویش غربی

²⁹ ولی وختی مریم وی گَبِ بِشنُسِه خِیلی پریشون بَوِه و شی هَمرا کَلَنجار شیِه تا بِفَهمِه هَین چیجور سَلامیِه.

لوقا 1:29 Iomraidhean Croise

اِنجیلِ مَتّی 16:7

شاگِردون شه پَلی گَب زوونه و گاتِنه: «‌چوون اِما شه هِمراه نون نیاردیمی، وه این طی گانه.»

لوقا 1:12

زَکِریا وه بَدیئِنِ جِم پریشون بَییه و وه ره تَرس بَییته.

لوقا 1:28

فرشته مَریِمِ پَلی بُورده و بااوته: «سِلام بر تِ، ای کِسی که مورد لطفی. خِداوند تِ هِمراه دَره.»

لوقا 1:66

هر کی این گَب ها ره اِشنُسه، شه دِلِ دِله گاته که: «این وَچه چی طی آدِمی بونه؟» چوون خِداوندِ دَس وه هِمراه دَییه.

لوقا 2:19

ولی مریِم، تِمومِ این اتّفاقا ره شه خاطِر اِسپارسه و شه دلِ دِله اونا ره فِکر کارده.

لوقا 2:51

پَس وِشونِ هِمراه ناصره بَردَگِردِسه و وِشونِ مطیع بَییه. ولی وه مار تِمومِ این اتّفاقا ره شه ‌خاطر داشته.

اعمال رَسولان 10:17

پِطرُس هَمون حال که تَعجِّبِ هِمراه، رویائه مَعنی ره فکر کارده، اونایی که کُرنِلیوس بَفرِسیه بییه، شَمعونِ سِره ره پی دا هاکاردِنه و سِرهِ دَرِ پَلی اِیست هاکاردِنه.

اعمال رَسولان 10:4

کُرنِلیوس تَرسِ هِمراه وه ره هارِشیه و بااوته: «چی خوانی باری آقا؟» فرشته بااوته: «تِ دعاها و صدقه‌ها، یِتا ذِکرِ هدیهِ واری خِدائه پَلی بَرِسیه.