لوقا 1:21 - کتاب مقدس به زبان مازندرانی - گویش شرقی

²¹ جَمیَّتی که بیرون زکِریائه اِنتِظارِ کَشینه، از اینکه وه اَنده مَعبِدِ دِله بَمونِسه بییه، تَعجِّب هاکاردِنه.

مازندرانی

²¹ در این میون، مردِم منتظر زِکریا بینه و تعجب هاکاردِنه، وِنه دیر هاکاردِن ره از جایگاهِ مقدس.

گیله ماز

²¹ جِماعتی که زکریایِ انتظارِ کَشِنِه بان، اینه وَسین که اون اَندی مَعبَدِ دِلِه بُمانِسِّه تَعجِب هَکُردَن.

کتاب مقدس به زبان مازندرانی - گویش غربی

²¹ جَماعتی گه زَکَریایی انتظارِ کَشینِه، هَینِسه گه وی اَنّی مَعبَدی دِلِه بَمونِس وِه، تَجِّب هاکِردِنِه.

لوقا 1:21 Iomraidhean Croise

اِنجیلِ مَتّی 27:5

بعد یَهودا سِکّه ها ره یَهودیون مَعبِدِ دِله زِمینِ سَر دَشِندیه و بیرون بُورده و شه ره دار بَزو.

اِنجیلِ مَتّی 8:10

وَختی عیسی این گَبِ بِشنُسِه بِهت هاکارده و مَردِمی كه وه دِمبال بییَمو بینه ره بااوته: «حَییقَتاً شِما ره گامبه مِن این طی ایمونی، اِسرائیلِ قومِ دِله هم نَدیمه.

لوقا 1:20

اِسا لال بونی و تا اون روز که این اتّفاق دَکِفه، نَتوندی دییه گَب بَزِنی، چوون مِ گَبِ که وه وَختِ مووقه اِتفاق کَفِنه ره باوِر نَکاردی.»

لوقا 1:22

وَختی زَکِریا بیرون بییَمو، نَتونِسه مَردِمِ هِمراه گَب بَزِنه. پَس بِفَهمِسِنه مَعبِدِ دِله رؤیایی بَدیئه، چوون فِقَط ایما و اِشاره زوئه و نَتونِسه گَب بَزِنه.