لوقا 1:19 - کتاب مقدس به زبان مازندرانی - گویش شرقی

¹⁹ فرشته جِواب هِدا: «مِن جبرائیلِمه که خِدائه حِضور اِیست کامبه. اَلان بَفرِسی بَیمه تا تِ هِمراه گَب بَزِنِم و این خَوِرِ خِشِ تِ ره هادِم.

مازندرانی

¹⁹ فرشته جِواب هادا: «مِن جبرائیل هسِّمه که در حِضور خِدا اِسِّمبه. الان مِره بَرِسِندیه تا ته جه صحبِت هاکانِم و این خَوِرِ خِش ره تِره هادِم.

گیله ماز

¹⁹ فِرشتِه جِواب هَدَه: «مَن جِبرائیلِم كه خُدایِ حَضور ایسَنَم. اَلان روانه هَبام تا تی هَمرَه گَب بَزَنَم و این خَبَرِ خُشِ تِرِه هَدَم.

کتاب مقدس به زبان مازندرانی - گویش غربی

¹⁹ فِرشتِه جِواب هادا: «مِن جِبرائیلِمِه گه خِدایی حِضور اِسِّمِه. اَلَن بَرِسانی بَوِمِه تی هَمرا گَب بَزِنَم و هَین خَوَرِخِشِ تِرِه هادَم.

لوقا 1:19 Iomraidhean Croise

اِنجیلِ مَتّی 18:10

«هیچ وَخت این کِچیکِ وَچونِ کِچیک نِشمارین. چوون شِما ره گامبه وِشونِ فِرِشته ها، آسِمونِ دِله هَمِش مِ آسِمونی پییِرِ دیمِ ویندِنه.

لوقا 1:20

اِسا لال بونی و تا اون روز که این اتّفاق دَکِفه، نَتوندی دییه گَب بَزِنی، چوون مِ گَبِ که وه وَختِ مووقه اِتفاق کَفِنه ره باوِر نَکاردی.»

لوقا 1:26

شیشمین ماه دِله، خِدا شه فرشته، جبرائیلِ یِتا شَهر که وه اسم ناصره و جلیل مَنطقه دِله بییه بَفرِسیه،

لوقا 2:10

ولی فرشته وِشونِ بااوته: «نَتِرسین، مِن شِمه وِسه یِتا خوارِ خَوِر دارمه، یِتا خَوِر که تِمومِ قومِ خِشال کانده:

لوقا 21:36

پَس هَمِش مِواظِب بوئین و دِعا هاکانین تا بَتونین تِمومِ این چیائه وِسه که خَله زود اتِّفاق کَفِنه، در اَمان دَووین و اِنسانِ ریکائه پَلی اِیست هاکانین.»

نامِه مَسیحینی عبرانی نِژادی سِه 4:14

از اونجه که اِما یِتا گَتِ کاهِن اَعظِم دارمی که آسمونونِ بالا بورده، یعنی عیسی خِدائه ریکا، بِئین شه ایمونِ اعترافِ قایم داریم.