لوقا 1:13 - کتاب مقدس به زبان مازندرانی - گویش شرقی

¹³ ولی فرشته وه ره بااوته: «ای زَکِریا، نَتِرس! تِ دِعا مِستَجاب بَییه. تِ زِنا اِلیزابِت تِ وِسه یِتا ریکا دِنیا یارنه که تِ وه اِسمِ یحیی اییِلنی.

مازندرانی

¹³ امّا فرشته وِره بائوته: «ای زِکریا، نَتِرس! ته دِعا مُستِجاب بَییه. ته زِنا اِلیزابِت تِسه اِتّا ریکا بدنیا یارنه، وِنه نوم ره یحیی بَیر.

گیله ماز

¹³ وَلی فِرشتِه اونه باَگوته: «اِی زَكَریا، نَتِرس! تی دُعا مُستَجاب هَبا. تی زِنا اِلیزابِت تِرِه ایتا ریکا دُنیا هارنه و تو اونه اِسمِ یحیی نَنی.

کتاب مقدس به زبان مازندرانی - گویش غربی

¹³ ولی فِرشتِه وِرِه بُتِه: «اِی زَكَریا، نَتِرس! تی دِعا مِستَجاب بَوِه. تی زَنا اِلیزابِت تِنِه یَتِه ریکا دِنیا اُرنِه و تو وی اِسمِ یحیی اِلنی.

لوقا 1:13 Iomraidhean Croise

اِنجیلِ مَتّی 1:21

وه یِتا ریکا دِنیا یارنه و تِ وه اِسمِ عیسی اییِلنی، چوون که وه شه قومِ، وِشونِ گِناهون جِم نِجات دِنه.»

اِنجیلِ مَتّی 14:27

عیسی دَرجا وِشونِ بااوته: «شِمه دِل قِرص بوئه، ‌مِنِمه؛ نَتِرسین.»

اِنجیلِ مَتّی 28:5

اون وَخت فرشته زَن ها ره بااوته: «نَتِرسین! دومبه که عیسیِ مَصلوبِ دِمبال گِردِنِنی.

مَرقُس 16:6

اون جِوون وِشونِ بااوته: «هَراسون نَووین. شِما عیسیِ ناصریِ دِمبال گِردِنِنی، هَمون که وه ره مصلوب هاکاردِنه. وه زنده بَییه؛ اینجه دَنیه. اونجه که وه جِنازه ره بییِشته بینه ره هارِشین.

لوقا 1:14

تِ شادی و خِشالیِ جِم پِر بونی، و خَیلیا هم وه دِنیا بییَموئِنِ جِم خِشال بوننه،

لوقا 1:30

ولی فرشته وه ره بااوته: «ای مَریِم، نَتِرس! چوون خِدا تِ ره لطف هاکارده.

لوقا 2:21

هشتِمین روز، وَختی خواسِنه وَچه ره خَتنه هاکانِن، وه اسمِ عیسی بییِشتِنه. این هَمون اِسمی بییه که فرشته، قبل از مریِمِ حامله بَیِّن، وه وِسه بییِشته بییه.

اعمال رَسولان 10:31

و بااوته: ”کُرنِلیوس، تِ دِعا مِستِجاب بَییه و صَدِقه هایی که دائی ره خِدا شه یاد بیارده.