یهودائه نامه 1:8 - کتاب مقدس به زبان مازندرانی - گویش شرقی

⁸ با این وجود، همین طی، این مَردِم هم خوهایی که ویندِنه ره تکیه کاندِنه و شه تَنِ نَجس کاندِنه و اِقتدارِ رَد کاندِنه و آسمونِ گَت گَتِ ها ره کفر گانِنه.

گیله ماز

⁸ با این وجود، همینجور، این مَردُم اون خوابهایی که دینَنِ هَمرَه، خودِشانِه تَنِ نَجِس کانَن و خداوندِ اِقتدارِ رَد کانَن و آسِمانِ گَتِه شانِ کُفر گونَن.

کتاب مقدس به زبان مازندرانی - گویش غربی

⁸ با هَین وجود، همینجور، هون مَردِن هَم خُوهایی گه وینِنِه رِه تکیِه کِنِنِه، شی تَنِ نَجِس کِنِنِه و اِقتدارِ رَد کِنِنِه و آسِمونی گَت گَتِه ایشونِ کِفر گِنِنِه.

یهودائه نامه 1:8 Iomraidhean Croise

لوقا 11:25

وَختی اونجه رِسِنه و اون سِره ره سازه بَزو و تَمیز وینده

لوقا 12:11

وَختی شِما ره یَهودیونِ عبادتگاه ها و حاکمون و اونایی که اِقتدار دارنِنهِ پَلی وَرنِنه، نِگرون نَبوئین که چی طی شه جِم دِفاع هاکانین یا چی بارین،

لوقا 19:14

ولی اون مَردمی که قِرار بییه وِشونِ سَلطَنِت هاکانه، وه جِم بیزار بینه؛ وِشون وه دِمبالِ سَر یِتا نماینده بَفرِسینه، این پِیغومِ هِمراه که: ”اِما نخوامبی این آدِم اَمه سَر سَلطَنِت هاکانه.“

اعمال رَسولان 23:5

پولُس بااوته: «ای بِرارون، مِن نَدونِسِمه کاهِنِ اعظمِ؛ چوون توراتِ دِله بَنوِشته بَییه: ”شه قومِ رَهبرِ بَد نار.“

اعمال رَسولان 7:27

«ولی اون مَردی که دَییه شه هَمساده ره بَدی کارده، موسی ره یِتا کنار هُل هِدا و بااوته: ”کی تِ ره اَمه رئیس و داوِر هاکارده؟

اعمال رَسولان 7:39

«ولی اَمه پییِرون وه جِم اِطاعت نَکاردِنه، وه ره رَد هاکاردِنه و شه دلِ دِله مصرِ سَمت بَردَگِردِسِنه

اوّلین نامِه قُرنتیانی سِه 3:17

اگه کِسی خِدائه مَعبدِ له هاده، خِدا هم وه ره نابود کانده؛ چوون خِدائه مَعبِد، مِقدَّسِ و شِما اون مَعبدِنی.

اوّل تِسالونیکیان 4:8

پَس، هر کی اینِ رَد هاکانه، آدِمی ره رَد نَکانده بلکه خِدایی ره رَد هاکارده که شه مِقدَّسِ روحِ شِما ره دِنه.

اول تیموتائوس 1:10

زِناکارون و لواط گرونِ وِسه؛ اونایی که برده خرید و فروش کاندِنه، دِراغ زَنون، اونایی که دِراغی قَسِم خوارنِنه، و هر چی که دِرِسِ تعلیمِ علیه هَسه،

نامِه مَسیحینی عبرانی نِژادی سِه 13:17

شه رَهبرونِ جِم اِطاعت هاکانین و وِشونِ تَسلیم بوئین؛ چوون وِشون شِمه جانهائه جِم محافظت کاندِنه و وِنه حِساب پَس هادِن. بییِلین این کارِ، خِشالیِ هِمراه هاکانِن نا آه و نالهِ هِمراه، چوون این شِمه نفع نییه.

اول پِطرُس 2:17

همه ره حِرمت بییِلین، بِرارونِ مِحَبَّت هاکانین، خِدا تَرس بوئین و پادشاه ره اِحترام بییِلین.