یهودائه نامه 1:5 - کتاب مقدس به زبان مازندرانی - گویش شرقی

⁵ با اون که شِما اَت کَش تِمومِ اینائه جِم خَوِر داشتینی، ولی خوامبه شِمه یاد بیارِم که خِداوَند عیسی یهودی مَردِمِ مصرِ مِلکِ جِم نِجات هِدا، ولی اَت کَش دییه اونایی که ایمون نِداشتنه ره نابود هاکارده.

گیله ماز

⁵ با اونکه شُما یِدَفِه تمام ایشانِ جی خَبر داشتین، ولی خَنَم شیمی یاد بیارِم که خداوند عیسی یَهودِ مَردُمِ مصر ملکِ جی نِجات هَدَه، وَلی یِدَفه دیگه اوشانیکه ایمان نِداشتَن رِه، نابود هَکُردِه.

کتاب مقدس به زبان مازندرانی - گویش غربی

⁵ با اونگه شِما یَکَش دِشتِه هَینِنی جا خَوَر داشتنی، ولی خوایمِه شِمِه یاد بیارِم گه خِداوَند عیسی یَهودی مَردِنِ مصری ملکی جا نِجات هادا، ولی یَکش دییَر اونانیگه ایمون ناشتِنِه رِه، نابود هاکِردِه.

یهودائه نامه 1:5 Iomraidhean Croise

رومی ایشون 15:15

ولی خَله جِسارت هاکاردِمه، چَن تا مَطلب شِمه وِسه بَنوِشتمه، تا اونا ره شِمه یاد بیارِم، چوون خِدا این فیضِ مِ ره هِدا

نامِه مَسیحینی عبرانی نِژادی سِه 3:16

چوون اونایی که بِشنُسِنه ولی با این وجود یاغی گری هاکاردِنه، کیا بینه؟ مگه تِمومِ اونایی نَبینه که موسیِ راهنِمائیِ هِمراه مصرِ جِم بیرون بییَمونه؟

پطرسی دِوّمین نامِه 3:1

ای عزیزون، این دِوّمین نامه ئه که دَره شِمه وِسه نِویسِمبه. هر دِتا نامه ره این نیّتِ هِمراه شِمه وِسه بَنوِشتِمه تا شِمه یاد بیارِم و شِمه پاکِ فکرا ره شوق بیارِم،

اوّل یوحنا 2:20

ولی شِما اون قُدّوسِ طریق مَسح بَینی و شِما همه، همه چی ره دوندِنی.

اوّل یوحنا 2:21

مِن شِمه وِسه نِویسِمبه، نا اینِ وِسه که حَییقَتِ نَدوندِنی، بلکه اینِ وِسه که اونِ دوندِنی و اینِ وِسه که هیچ دِراغی حَییقَتِ دِله دَنییه.