یهودائه نامه 1:19 - کتاب مقدس به زبان مازندرانی - گویش شرقی

¹⁹ وِشونِنه که شِمه میون سیوایی دِم دِنِنه، دِنیائه آدِمِنِنه و خِدائه روحِ نِدارنِنه.

گیله ماز

¹⁹ اوشانَن که شیمی میَن جُدایی تُووادِنَن، دُنیایِ جییَن، و خُدایِ روحِ نِدارَن.

کتاب مقدس به زبان مازندرانی - گویش غربی

¹⁹ وِشونِنِه گه شِمِه میِن جِدایی دیم دِنِنِه، دِنیایی آدمِنِنِه، و خِدایی روحِ نارِنِه.

یهودائه نامه 1:19 Iomraidhean Croise

رومی ایشون 8:9

ولی جِسم شِمه وِسه حِکم نَکانده، بلکه خِدائه روحِ که دَره حِکم کانده، البته اگه خِدائه روح شِمه دِله دَووه. کِسی که مَسیحِ روحِ نِدارنه، وه مَسیحِ وِسه نییه.

اوّلین نامِه قُرنتیانی سِه 2:14

آدِمی که هِوا و هوسِ دِمبال دَووه، اون چیایی که خِدائه روحِ ربط دارنه ره قبول نَکانده چوون وه نَظِر نادونیِ، و نَتونده اونِ بِفَهمه، چوون فِقَط خِدائه روحِ هِمراه بونه اونِ دِرِسی ره تشخیص هِدائِن.

اوّلین نامِه قُرنتیانی سِه 6:19

مگه نَدوندِنی که شِمه تَن روح‌القُدُسِ مَعبِدِ که شِمه دِله دَره و اونِ خِدائه جِم بَییتینی؟ شِما دییه شه وِسه نینی.

نامِه مَسیحینی عبرانی نِژادی سِه 10:25

جَمع بیِّنِ جِم هَمدییهِ هِمراه دَس نَکِشیم، هَمون طی که بَعضیائه وِسه عادِت بَییه، بلکه ویشتِر هَمدییه ره تَشویق هاکانیم - بخصوص اَلان که ویندِنی اون روز، یعنی خِداوند عیسیِ بَردَگِردِسِنِ روز، همین طی دَره نزیک بونه.

یعقوبِ نامه 3:15

این طی حِکمتی آسِمونِ جِم نِننه، بلکه زِمینی و نفسانی و شیطانیِ.