یهودائه نامه 1:17 - کتاب مقدس به زبان مازندرانی - گویش شرقی

¹⁷ ولی شِما ای عزیزون، اَمه خِداوند عیسی مَسیحِ رسولونِ پیشگویی ره شه یاد دارین

گیله ماز

¹⁷ وَلی شُما اِی عَزیزِان، اَمیِ خُداوند عیسیِ مسیحِ رَسولان پیشگویی رِه شیمی یاد بِدارین

کتاب مقدس به زبان مازندرانی - گویش غربی

¹⁷ ولی شِما اِی عَزیزِن، اَمِه خِداوند عیسی مسیحی رَسولِنی پِشگویی رِه شی یاد دارین

یهودائه نامه 1:17 Iomraidhean Croise

اعمال رَسولان 20:35

همه جوره شِما ره سِراغ هِدامه که وِنه این طی سَخت کار هاکانیم تا بَتونیم ضَعیفونِ دَسِ بَیریم، و عیسیِ خداوندِ گَبِ شه یاد داریم که چی طی شه بااوته: ”هِدائِن، بَییتِنِ جِم بِهترِ»

اِفِسُسیان 2:20

شِما اون عمارتِ سَر که رَسولون و پِیغَمبِرون وه پِی بینه، بَنا بَینی، که مَسیحْ عیسی شه اون بنائه اصلی سَنگِ.

اِفِسُسیان 4:11

و وه بییه که رَسولون هِدا، پِیغَمبِرون، مِواشِرون، چَپونون و مَلِّمون هِدا،

نامِه مَسیحینی عبرانی نِژادی سِه 2:3

اگه اِما این طی گَتِ نِجاتِ جِم غافل بوئیم، چی طی اون جَزائه جِم دَر بوریم؟ این نِجات اَوِّل خِداوندِ طَریقِ جِم اِعلام بَییه و بعد اونائه طَریق که اونِ بِشنُسِنه اَمه وِسه ثابت بَییه،

پطرسی دِوّمین نامِه 3:2

تا اون کِلامی که مِقدَّسِ پِیغَمبِرون، جلوتر بااوتِنه و خِداوند و اَمه نجات‌دهندهِ حِکمِ، که رَسولونِ طریق شِما ره هِدا ره شه یاد بیارین.

اوّل یوحنا 4:6

اِما خِدائه جِم هَسیمی، اونی که خِدا ره اِشناسِنه، اِما ره گوش دِنه؛ اونی که خِدائه جِم نییه، اِما ره گوش نَدِنه. این طی حَییقَتِ روحِ و گمراهی روحِ هَمدییه جِم اِشناسِمبی.

یهودائه نامه 1:3

ای عَزیزون، با اینکه خَله ذوق داشتِمه تا اون نِجاتِ خَوِری که اِما همه اونِ دِله سَهم دارمی شِمه وِسه بَنویسِم، ولی لازم بَدیمه این چَن خط بَنوِشتِنِ هِمراه، شِمه جِم بِخوائم که اون ایمونی دِله که اَت کَش همیشه وِسه مِقدَّسینِ بِسپارِسه بَییه، تَقِلّا هاکانین.