اِنجیلِ یوحنا 9:18 - کتاب مقدس به زبان مازندرانی - گویش شرقی

¹⁸ ولی یَهودیون هَمتی باور نِداشتنه که وه کور بییه و وه چِشا سو دَکِته، تا اینکه اون مَردیِ پییِرمار که وه چِشا سو دَکِته بییه ره بِخواسنه

گیله ماز

¹⁸ وَلی یَهودیِان هَلَه باوَر نِداشتَن اون کور با و اون چش سو دَکِته، تا اینکه اون مَردَای یه پیَر و مارِ که اونه چِشم سو دَکِتِ با رِه بِخَسَّن.

کتاب مقدس به زبان مازندرانی - گویش غربی

¹⁸ ولی یَهودیِن حَلا باوَر ناشتِنِه وی کور وِه و وی چش سو دَکِتِه، تا هَینگِه هون مَردی ای پیر و مار گه وی چِش سو دَکِت وِه رِه بَخوایسِنِه.

اِنجیلِ یوحنا 9:18 Iomraidhean Croise

لوقا 16:31

اِبراهیم وه ره بااوته: ”اگه موسی و پِیغَمبِرونِ گَبِ گوش نَدِن، حَتَّی اگه یه نَفِر مِرده هائه جِم زِنده بَووه و وِشونِ پَلی بوره، اَی هم باور نَکاندِنه»

اِنجیلِ یوحنا 1:19

اینِ یحییِ تَعمید دَهِنده شِهادت، اون مووقه که یَهودیون، مَعبدِ کاهِنون و مَعبدِ خادِمونِ، اورشَلیمِ شَهرِ جِم وه پَلی بَفرِسینه تا وه جِم بَپِرسِن که «تِ کی هسی؟»

اِنجیلِ یوحنا 5:44

چی طی توندینی ایمون بیارین در حالی که جِلال، هَمدییهِ جِم قَبول کاندینی، و اون جِلالِ دِمبال، که خِدائه یکتائه طَرِفِ جِم بوئه، دَنینی؟

اِنجیلِ یوحنا 9:19

و وِشونِ جِم بَپِرسینه: « این شِمه ریکائه، هَمونی که گانِنی کور دِنیا بییَمو؟ پَس چی طی اَلان وینده؟»

اِنجیلِ یوحنا 9:22

اون مَردیِ پییِرمار یَهودیونِ تَرسِ جِم این چیا ره بااوتِنه. چوون یَهودیون قَبلِاً هَمَدَس بَییه بینه هر کی اِقرار هاکانه که عیسی هَمون مَسیحِ موعود، وه ره عِبادَتگاهِ جِم بیرون هاکانِن.

نامِه مَسیحینی عبرانی نِژادی سِه 4:11

پَس بِئین تقلّا هاکانیم تا اون آسایشِ دِله بوریم، تا هیچ کس این طی نااطاعتی هاکاردنِ هِمراه نَکِفه.