اِنجیلِ یوحنا 8:24 - کتاب مقدس به زبان مازندرانی - گویش شرقی

²⁴ شِما ره بااوتِمه که شه گِناهونِ دِله مییِرنِنی، چوون اگه ایمون نیارین که مِن وه هَسِمه، شه گِناهونِ دِله مییِرنِنی.»

گیله ماز

²⁴ شِمِره باگوتَم که شیمی گُناهانِ دِلِه میرنین، چون اَگه ایمان نیارین که مَن اون هیسَم، شیمی گُناهانِ دِلِه میرنین.»

کتاب مقدس به زبان مازندرانی - گویش غربی

²⁴ شِمارِ بُتِمِه گه شی گِناهِنی دِلِه میرِنی، چون اگه ایمون نیارین گه مِن وی هَسمِه، شی گِناهِنی دِلِه میرِنی.»

اِنجیلِ یوحنا 8:24 Iomraidhean Croise

اِنجیلِ مَتّی 24:5

چوون که خَیلیا مِ اسمِ هِمراه اِنِنه و گانِنه: 'مِن مَسیحِ موعودِمه!' و خَیلیا ره از راه به دَر کاندِنه.

مَرقُس 13:6

چوون خَیلیا مِ اسمِ هِمراه اِنِنه، گانِنه، ”مِن هَمون مَسیحِمه“ و خَیلیا ره از راه به دَر کاندِنه.

مَرقُس 16:16

هر کی ایمون بیاره و غسلِ تَعمید بَیره، نِجات گِرنه. ولی هر کی ایمون نیاره، مَحکوم بونه.

لوقا 21:8

عیسی بااوته: «مِواظب بوئین کِسی شِما ره گُمراه نَکِنه؛ چوون خَیلیا مِ اسم هِمراه اِنِنه و ادعا کاندِنه ”مِن مسیحِمه“ و گانِنه ”دِنیا آخِر بَرِسیه“. وِشونِ دِمبال نَشوئین.

اِنجیلِ یوحنا 13:19

اِسا قبل از این که این اِتفاق دَکِفه، شِما ره گامبه تا مووقه ای که اِتفاق دَکِته، ایمون بیارین که مِن وه هَسِمه.

اِنجیلِ یوحنا 3:18

هر کی وه ره ایمون دارنه مَحکوم نَوونه، ولی هر کی وه ره ایمون نِدارنه، همین اَلانِم مَحکومِ، چوون خِدائه یِتا ریکائه اسمِ ایمون نیارده.

اِنجیلِ یوحنا 3:36

اونی که ریکا ره ایمون دارنه، اَبدی زِندِگی دارنه؛ ولی اونی که ریکائه جِم اِطاعت نَکانده، زِندِگی ره نَوینده، بلکه خِدائه خَشم وه سَر موندگارِ.»

اِنجیلِ یوحنا 4:26

عیسی وه ره بااوته: «مِن که تِ هِمراه گَب زَمبه، هَمون تامه.»

اِنجیلِ یوحنا 8:21

بعد اَت کَش دییه وِشونِ بااوته: «مِن شومبه و شِما مِ دِمبال گِردِنِنی، ولی شه گِناهِ دِله مییِرنِنی. اونجه که مِن شومبه، شِما نَتوندِنی بِئین.»

اِنجیلِ یوحنا 8:25

عیسی ره بااوتِنه: «تِ کی هسی؟» عیسی جِواب هِدا: «همونی که از اَوِّل شِما ره بااوتِمه.

اِنجیلِ یوحنا 8:28

پَس عیسی وِشونِ بااوته: «وَختی که اِنسانِ ریکا ره بِلِند هاکاردینی، اون مووقه فَهمِنِنی که مِن وه هَسِمه و شه جِم کاری نَکامبه، بلکه فِقَط اونی ره گامبه که پییِر مِ ره یاد هِدا.

اِنجیلِ یوحنا 8:58

عیسی وِشونِ بااوته: «حَییقَتاً، شِما ره گامبه، قبل از اون که اِبراهیم دَووه، مِن هَسِمه!»

اعمال رَسولان 4:12

به جِز وه هیچ کَسِ دِله نِجات دَنیه، چوون آسمونِ بِن دییه اسمی آدِمونِ هِدا نَییه تا اونِ جِم نِجات بَیریم.»

نامِه مَسیحینی عبرانی نِژادی سِه 12:25

شِمه حِواس دَووه، اون کسِ صِدائه جِم که گَب زَنده، شه دیمِ بَرنِگاردِنین. اونایی که، اون کسِ گَب هائه بِشنُسَنِ جِم که زِمینِ سَر گَب زوئه شه دیمِ بَردِگاردِنینه، نَتونِسِنه مجازات بَیّنِ جِم دَر بورِن. پَس اَگه اِما اون کسِ جِم که آسمونِ جِم گَب زَنده شه دیمِ بَردِگاردِنیم، چی طی مجازاتِ جِم دَر بوریم؟!

نامِه مَسیحینی عبرانی نِژادی سِه 2:3

اگه اِما این طی گَتِ نِجاتِ جِم غافل بوئیم، چی طی اون جَزائه جِم دَر بوریم؟ این نِجات اَوِّل خِداوندِ طَریقِ جِم اِعلام بَییه و بعد اونائه طَریق که اونِ بِشنُسِنه اَمه وِسه ثابت بَییه،